Ձեր վստահելի աղբյուրը

Նիկոլ Փաշինյանի հրաժարականը պահանջող և Հայաստանի ու Արցախի անվտանգությամբ մտահող քաղաքացիները Շիրակի մարզում ինքնակազմակերպվել և գնացել են մարզպետարան՝ պարզելու մարզպետ Նազելի Բաղդասարյանը դիրքորոշումը ժողովրդի պահանջի հիման վրա «Դիմադրության» շարժման ներկայացրած փասատաթղթի վերաբերյալ։

«Հավաքվել ենք Շիրակի մարզպետարանի մոտ, ցանկություն ունենք հանդիպելու տիկին Բաղդասարյանի հետ, ճշտելու նրա տեսակետը որպես Հայաստանի քաղաքացի և Շիրակի մարզպետ Արցախը երբեք չպետք է լինի Ադրբեջանի կազմում մեր պահանջի վերաբերյալ, նաև մի քանի հարց ունենք նրան ուղղելու»,- ասաց ՀՅԴ Շիրակի Մարզային կոմիտեի ներկայացուցիչ Մհեր Մելքոնյան։

Քաղաքացիները որոշ ժամանակ մարզպետարանի դիմաց կանգնեցին, սակայն նրանց ոչ մարզպետը, ոչ էլ փոխմարզպետերը չընդունեցին։

«Աշխատակիցները փոխանցեցին, որ տիկին Բաղդասարյանն այս պահին մարզպետարանում չէ, իսկ փոխմարզպետները չեն ցանկացել մեզ հետ հանդիպել այն պատճառաբանությամբ, որ զբաղված են։

Ակնկալում էի, որ չեն իջնելու ու հստակ պատասխան չեն տա մեր հարցերին։ Եվս մեկ անգամ փաստում ենք, որ դավաճանական իշխանությունները,  հանձինս Նիկոլ Փաշինյանի ու նրա փոքրիկ խմբակի, ովքեր սպասարկում են թուրք-ադրբեջանական տանդեմի շահերը, ամեն գնով  փորձում են խուսափել հստակ պատասխան տալ Հայաստանի քաղաքացիներին՝ Արցախը կարո՞ղ է լինել Ադրբեջանի կազմում, թե՞ ոչ։ Մենք հավաքվել էինք այդ հարցի պատասխանը ստանալու, բայց, ցավոք,  ոչ մեկ չցանկացավ մեզ այդ պատասխանը տալ։ Ինձ և, կարծում եմ, հավաքված քաղաքացիների համար պարզ է, որ մեր պայքարը շարունակելու ենք ու հասնելու վերջնական նպատակին՝ առաց Նիկոլ Հայաստան»,- հայտարարեց Մ. Մելքոնյանը։