Ձեր վստահելի աղբյուրը

«Այն, ինչ իրենց մասին կուզեի ասել՝ խորհրդարանի շենքում չի կարելի ասել»,-ԱԺ-ում լրագրողներին ասաց «Պատիվ ունեմ» խմբակցության պատգամավոր Հայկ Մամիջանյանը՝  գնահատելով արտահերթ խորհրդարանական նիստը տապալելու ՔՊ-պատգամավորների քայլը:

Նա հայտնեց, որ լսել էին իշխող խորհրդարանական մեծամասնության՝ նիստին չգալու մասին հայտարարությունը, բայց անցկացնելու գործընթացը կանգնեցնելու ընթացակարգ չկա:

«Կար որոշակի հույս, որ ՔՊ-ի բազմամարդ ֆրակցիայում կգտնվեն մարդիկ, որոնք Հայաստանի և Արցախի վերաբերյալ, բոլոր դեպքերում, խիզախություն կունենան որոշակի կարծիք հնչեցնել՝ չվախենալով ստացվող հաղորդագրություններից և ինչ-որ կոմպրոմատներից, որոնք առկա են»,-հայտարարեց ընդդիմադիր պատգամավորը և նկատեց. «Սա հո՞ սնդիկի մասին օրենքը չէ, հո՞ լրագորղների իրավունքները սահմանափակելու հակաժողովրդավարական, կամ պոպուլիստական բովանադակություն պարունակող օրինագիծ չէ, որ հավաքվեն, իրենց օրակարգն ամբողջությամբ այլ է»:

Պատասխանելով նախարարներից Արցախը Ադրբեջանի կազմում չլինելու մասին հայտարարություն ստանալու ընդդիմության քայլերի մասին հարցին՝ Հայկ Մամիջանյանն ասաց. «Նախարարները պետք է րոպե առաջ ձգտեն զատվել այն խունտայից, որը Հայաստանի և Արցախի ապագան հարվածի տակ է դնում, գնտել մեզ և հայտնել, որ իրենք համաձայնվում են «Արցախը երբեք չի լինի Ադրբեջանի կազմում» ձևակերպման հետ, իսկ մեր գտնվելու վայրը շատ պարզ է՝ Հայաստանի Հանրապետություն, Ֆրանսիայի հրապարակ՝ հայ ժողվորդի կողքին»:

Պատգամավորը հայտնեց, որ ընդդիմության դիրքորոշումն այն է, որ Արցախը երբեք չի լինի Ադրբեջանի կազմում, որն առաջնային է և միջազգային հարաբերություններից քիչ թե շատ հասկացող մարդ կիմանա, որ «Արցախը երբեք չի լինելու Ադրբեջանի կազմում» եզրույթն անհրաժեշտ է հայկական բանակցային կողմին՝ հասնելու հայանպաստ, հայկական օրակարգով Արցախի ապագան երաշխավորող լուծման:

«Իսկ թե ինչ դիքորոշում ունի այդ հարցում ընդդիմությունը՝ այն առկա է Մադրիդյան սկզբունքներում և միակ գործող՝ Կազանյան փաստաթղթում»,-ասաց «Պատիվ ունեմ» խմբակցության պատգամավորը և, դիմելով իրեն այդ մասին հարց տվող CIVic լրատվական գործակալության լրագրողին, հավելեց. «Ցավում եմ, որ դուք միջազգային հարաբերությունների տեսությանը ծանոթ եք միայն Փաշինյանի հարցազրույցներից»:

Նա հայտնեց, որ շատ տարածված մանիպուլյացիա է, երբ իշխանությունը պնդում է թե, ասելով Արցախը չի լինի Ադրբեջանի կազմում, բանակցությունները փակուղի կմտնեն:

«Այդ նախադասությունը հնչեցնելը հայկական կողմին երբեք չի խանգարել վարել հայանպաստ բանակցություններ, ստանալ Կազանյան փաստաթուղթ, հասնել նրան որ Ալիևին ասի, որ իրեն փակ դռների հետևում ստիպում են ճանաչել Արցախի անկախությունը: Այսինքը՝ իշխանությունները չեն ուզում ասել, որ միանշանակ չեն բանակցելու Արցախն Ադրբեջանի կազմում գտնվելու վերաբերյալ, այլապես ի՞նչ է նշանակաում բանակցություները կխաթարվեն: Իհարկե պետք է խաթարել այն բանակցությունները, որոնց արդյունքում Արցախը պետք է հայտնվի Ադրբեջանի կազմում, պարզ չէ որ նման բանակցությունը պետք է խաթարվի, այնպես որ այդ տրամաբանությունը որը միջազգային հարաբերությունների հետ որևէ աղերս չունի ընդամենը մի ոստիկանական վահան է, որով ուզում են մոլորեցնել ժողվորդին»:

Պատասխանելով Արցախի անկախությունը ճանաչելու մասին հարցին՝ Մամիջանյանն ասաց. «44-օրյա պատեազմում Արցախի ճանաճումը հստակ օրակարգային հարց էր: Ինչպես հայտարարել էր Սերժ Սարգսյանը, եթե Ապրիլյան պատերազմը տևեր 7 օր, ինքը ներկայացնելու էր Արցախը ճանաչելու հարցը: Իսկ հիմա այն պետք կլինի այն դեպքում, եթե շղթայական ռեակցիա առաջացնելու հնարավորություն լինի»: