Ձեր վստահելի աղբյուրը

«Ոստիկանական վայրագությունները չեն մարսելու ոչ Նիկոլը, ոչ էլ թուրքական յաշմա դարձած բռնություն գործադրողները»,- գրել է ՀՀԿ փոխնախագահ Արմեն Աշոտյանը՝ տեսանյութում խոսելով հունիսի 3-ին Դեմիրճյան-Պարոնյան փողոցների խաչմերուկում տեղի ունեցած իրադարձությունների մասին։

Նա նշել է. «Նիկոլն այսօր 3 կարմիր գիծ հատեց.

1. զորք հանեց ժողովրդի դեմ,
2. կրակեց ժողովրդի վրա,
3. արյուն թափեց»։ 

«Ոստիկանների մեջ կան մարդիկ,
1. որոնց մոտ ագրեսիայի մակարդակը նորմայից բարձր է,
2. որոնց մի մասը դեղորայքային ազդեցության տակ է:

 Պետք է պահանջել քննություն անցկացնել, ստուգել, թե ինչ դեղերի, խթանիչների հետքեր կան նրանց արյան մեջ:

 Ոստիկանների մեջ կան նիկոլներ, կան օլիգարխների զգեստափոխված  անվտանգության աշխատակիցներ, բայց կան նաև լավ տղաներ, որոնք չէին կարողանում նայել մեր աչքերի մեջ և չէին մասնակցում այս վայրագություններին»,- գրել է Արմեն Աշոտյանը։