Ձեր վստահելի աղբյուրը

«Մենք պետք է հասկանանք, որ չունենք անկախ և սեփական որոշումներով գործող ոստիկանություն»,- լրագրողների հետ զրույցում ասաց «Հայաստան» խմբակցության պատգամավոր Քրիստինե Վարդևանյանը։

Նրա խոսքով, ոստիկանության գործողությունները խոսում են իշխանության ղեկին ժամանակավոր նստածի վախերի մասին։ 

«Ոստիկանության գործողություններն արտացոլում են ՔՊ ներքին քննարկումներում ընդունված որոշումները։

Ոստիկանությունը չի իրականացնում իր ֆունկցիան ու չի ենթարկվում ոստիկանապետի որոշումներին, ուղիղ հրահանգ է իջնեցվում իրեն»,- ասաց ընդդիմադիր գործիչը։

Ք. Վարդանյանի խոսքով,  իշխանական խմբակն ունի կորցնելու մի բան՝ իշխանություն, իրենք այդ իշխանությունը պահելու համար  տվել են անգամ հայրենիքը։

«Հիմա պատկերացրեք՝ այդ մարդիկ, ովքեր սեփական կոշիկը  կպաշտպանեն, բայց հայրենիքը կտան, կանգնած են այդ իշխանությունը կորցնելու առաջ։  Այդ դեպքում հնարավոր և անհնար  բոլոր եղանակներով փորձելու են կառչած մնալ աթոռին, որն  աշխարհում իրենց ունեցած միակ ամենաթանկ բանն է, որևէ միջոցի առաջ չեն կանգնի։ Ոստիկանության գործողությունները սրա մասին են. խաղաղ հավաքի մասնակիցների նկատմամբ առանց զգուշացման և առանց թույլատվության հատուկ միջոց կիրառելն այլ բացատրություն չունի»,- ասաց Ք. Վարդանյանը։