Ձեր վստահելի աղբյուրը

Հավատարիմ մնալով իր խոստումներին՝ Team Telecom Armenia-ն զգալիորեն բարելավում է ընկերության ամենահայտնի ու սիրված COSMO և COMBO փաթեթների պայմանները:

Team Telecom Armenia-ի հասարակայնության հետ կապերի ծառայությունից մանրամասնում են, որ բաժանորդները կստանան է՛լ ավելի բարձր արագությամբ գերարագ ինտերնետ, նոր հեռուստաալիքներ, անսահմանափակ բջջային ինտերնետ և, իհարկե, ավելի շատ րոպեներ տեղական և միջազգային զանգերի համար։ Բոլոր այս փոփոխություններն ընկերությունը առաջարկում է առանց որևէ ժամկետային պայմանագրային պարտավորությունների։

«Team-ում մենք ցանկանում ենք, որ յուրաքանչյուր բաժանորդ ստանա ամենալավ կապն ու ամենաարագ ինտերնետը։ Այդ պատճառով էլ COSMO և COMBO փաթեթներում ավելացրել ենք այն ամենը, ինչ անհրաժեշտ է ժամանակակից մարդուն՝ մինչև 1000 Մբ/վ ինտերնետ տանը, անսահմանափակ բջջային ինտերնետ, մոտ 200 հեռուստաալիք և շփման ազատ հնարավորություն տեղական ու միջազգային հեռախոսակապով։ Մենք բոլոր քայլերն ուղղված են հաճախորդների համար դրական փոփոխություններ բերելուն»,- նշել է Team Telecom Armenia-ի կոմերցիոն տնօրեն Կարեն Շաբոյանը։ 

Բաժանորդագրվելով Team-ի COSMO և COMBO փաթեթներին՝ հաճախորդի տանը, ըստ անհրաժեշտության տեղադրվելու է Nokia GPON և Nokia Beacon WiFi ուժեղացուցիչ անլար ինտերնետի անգերազանցելի որակ ապահովելու համար։

COSMO և COMBO փաթեթների վերաբերյալ հավելյալ տեղեկություն կարելի է ստանալ՝ այցելելով Team Telecom-ի կայք, հաղորդագրություն ուղարկելով Team Telecom Armenia-ի ֆեյսբուքի պաշտոնական էջին, զանգահարելով 100 անվճար համարին կամ մոտենալով Team-ի վաճառքի և սպասարկման կենտրոններ։

Team Telecom Armenia-ն ՀՀ տարածքում տրամադրում է ինտերնետի, թվային հեռուստատեսության, բջջային և ֆիքսված հեռախոսակապի ծառայություններ։
Team Telecom Armenia-ն լիովին հայկական բրենդ է և հազարավոր արհեստավարժ մասնագետների հզորագույն թիմ: 2021 թվականից ընկերությունը սկսել է տարածաշրջանում եզակի՝ 25 Գբ/վ արագությամբ 25G-PON տեխնոլոգիայով NGN (Next Generation Network) ցանցի կառուցումը:
Հանդիսանալով հեռահաղորդակցության առաջին համակարգի ժառանգորդը՝ Team-ը ժամանակակից տեխնոլոգիաների հետ է համադրում Հայաստանում առաջին կապի օպերատորի հարուստ փորձը։