Ձեր վստահելի աղբյուրը

«ԶՈՒ ԳՇ պետ պաշտոնակակատար կամ հիմնական նշանակելը Պաշտպանության մասին օրենքի կամ կառուցվածքային փոփոխությունների  հետ ընդհանուր առմամբ կապ չունի, որովհետև յուրաքանչյուր կառուցվածքում պետք է պաշտոնատար անձը, հատկապես ԳՇ պետի անչափ կարևոր պաշտոնյան նշանակված լինի»,- NEWS.am-ի հետ զրույցում ասել է ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը։

Նրա խոսքով՝  ԶՈՒ կառուցվածքային փոփոխությունները մշտապես լինում են,հատկապես 2020 թ․-ի պատերազմից հետո։

« ԳՇ շտաբի պետի պաշտոնը փոխել  կամ դարձնել  պաշտպանության նախարարի առաջին տեղակալ հակասում է այն հիմնական սզբունքներին, որոնք ձևավորվել են դեռևս 2008թ-ին։ Հայաստանում պաշտպանության նախարարի պաշտոնը մշտապես քաղաքական պաշտոն է եղել: Միայն առաջին նշանակման ժամանակ Վաղարշակ Հարությունյանն է   եղել զինվորական, մնացած բոլոր ու  քաղաքական թիմի անդամներ ենք եղել:Պաշտպանության նախարարի և ԳՇ պետի ֆունկցիոնալ պարտականությունները  տարանջատվել են։  Պաշտպանության նախարարը պատասխանատու է եղել ռազմաքաղաքական իրավիճակի, ԶՈՒ կադրային քաղաքականության և ռազմական կրթության համար, ԶՈՒ ֆինանսական ապահովման ու ԶՈՒ հմակողմանի ապահովման խնդիրների համար, իսկ ԳՇ պետի պաշտոնը եղել է մշտական, որովհետև քաղաքական թիմի ու  գեներալ-գնդապետի պաշտոնի անձը պետք է մշտապես ղեկավարի»,-բացատրեց  Սեյրան Օհանյանը:

Նրա խոսքով, նույնիսկ այս պարագայում հրամանատարական ուղղահայացը Պաշտպանության մասին օրենքի համաձայն նախկինում եղել է այսպես՝ գերագույն գլխավոր հրամանատար, այնուհետև պաշտպանության նախարար, ապա ԳՇ պետ:

«Այսինքն՝  ԳՇ պետը  ենթարկվում է նախարարին: Այսօրվա օրենքով էլ այդպես է: Արհեստականորեն ԳՇ պետին դարձնելով նախարարի առաջին տեղակալ, դրանով նախ համապատասխան ճանապարհ անցած, փորձառություն անցած, գեներալ-գնդապետ ԳՇ պետին դու հավասարեցնում ես ինչ-որ քաղաքական պաշտոնի նշանակված այլ առաջին տեղակալի: Եթե վաղը նախարարը պետք է բացակայի, դու երկու առաջին տեղակալների միջև, փորձառուին մի կողմ  դնելով,  երիտասարդ քաղաքական թիմի ներկայացուցչին ես նշանակում նախարարի պաշտոնակատար: Երկրորդը, դարձնելով ԳՇ պետին նախարարի առաջին տեղակալ, ԳՇ պետի պաշտոնը քաղաքականացնում ես: Այդ քաղաքականացումն է հիմնական պատճառներից մեկը, որ վերջին պատերազմում պարտություն ենք կրել»,- նշեց Օհանյանն ու պարզաբանեց․

«Միաժամանակ փոխել  ու նախարարին և ԳՇ պետին, բերում է նրան, որ երկուսն էլ նոր են, լիարժեք չեն տիրապետում իրավիճակին։ Եվ հետո՝ ամեն նախարար փոխվելուց ԳՇ պետը պետք է փոխվի, դրանով դու քաղաքականացնում ես նաև ԳՇ պետի պաշտոնը:Հենց այդպես էլ եղել է, արագ-արագ փոխվել են պաշտպանության նախարարը ԳՇ պետը, Արցախի ՊԲ հրամանատարը»:

Ավելի մանրամասն՝ տեսանյութում։