Ձեր վստահելի աղբյուրը

Վլադիմիր Զելենսկու գրասենյակի ղեկավարի խորհրդական Ալեքսեյ Արեստովիչը կարծում է, որ Ուկրաինայում Ռուսաստանի հատուկ գործողության սկզբից ի վեր զոհվել է մինչեւ 10 հազար ուկրաինացի զինվորական, գրում է «Ռիա Նովոստի» գործակալությունը։

Ուկրաինայի պաշտպանության նախարար Ալեքսեյ Ռեզնիկովը հունիսի 9-ին հայտարարել է, որ ռազմաճակատում իրավիճակը ծանր է, ուկրաինական զորքերն ամեն օր կորցնում են մինչև 100 մարդ:

Ռուսաստանը փետրվարի 24-ին ռազմական գործողություն է սկսել Ուկրաինայում։ Նախագահ Վլադիմիր Պուտինը դրա նպատակն անվանել է «մարդկանց պաշտպանությունը, որոնք ութ տարի շարունակ ենթարկվել են Կիևի ռեժիմի կողմից բռնության և ցեղասպանությանը»:

Դրա համար, ըստ նրա, նախատեսվում է իրականացնել «Ուկրաինայի ապառազմականացում և ապաազգայնացում», պատասխանատվության ենթարկել բոլոր ռազմական հանցագործներին, որոնք պատասխանատու են Դոնբասում «քաղաքացիների դեմ արյունալի հանցագործությունների համար»։