Ձեր վստահելի աղբյուրը

Դիետոլոգ, բժիշկ Մարգարիտա Կորոլևան «Մոսկվա 24»-ի հետ զրույցում խորհուրդ է տվել արձակուրդի օրերին ավելորդ ճարպից ազատվելու համար ուտել ձավարեղեն, բանջարեղեն, մրգեր, թռչնամիս, ձուկ, խմել բավականաչափ ջուր և պատրաստել առողջարար նախուտեստներ։

Ընդ որում, ինչպես նշել է սննդաբանը, պետք է հրաժարվել քաղցր, աղի, յուղոտ և տապակած ուտելիքներից։ «Դուք կարող եք կազմել այն ապրանքների ցանկը, որոնք պետք է լինեն տանը, և սառնարանից հեռացնել ավելորդ սնունդը, որպեսզի չուտեք»,- ասել է նա։

Սննդաբանը նշում է, որ նախաճաշին կարելի է ուտել հացահատիկային շիլա՝ դրան ավելացնելով հատապտուղներ, մրգեր, ընկույզներ և արևածաղկի, դդմի սերմեր, նշուի ավելացմամբ։ Բացի այդ, բանջարեղենը պետք է ներառվի սննդակարգում։ Նաև օրվա ընթացքում կարելի է ուտել երկու կամ երեք միրգ։

Դիետոլոգը հիշեցրել է, որ սննդային մանրաթելերը խթանում են աղիների աշխատանքը, աջակցում է դրա շարժունակությանը և ապահովում միկրոբիոմի հետ կապված խնդիրների կանխարգելումը։
Մարգարիտա Կորոլևան խորհուրդ է տալիս բանջարեղենը համատեղել սպիտակուցի հետ, մասնավորապես, թչնամսի կամ ձկան հետ։

Ընթացքում կարևոր է բավականաչափ հեղուկ խմել: Նրա խոսքով՝ սա անհրաժեշտ է մարմնից ամեն ավելորդ ամեն ինչ հեռացնելու համար։ Մասնագետը խորհուրդ է տալիս օրական խմել առնվազն 2,5 լիտր չգազավորված ջուր։

Որպես առողջ նախուտեստ՝ բժիշկն առաջարկում է մի փոքր բուռ չբոված ընկույզ և երկու-երեք սալորաչիր ուտել։ Բացի այդ, ըստ նրա, կարելի է խմել կաթնաթթվային յոգուրտ, մածուն կամ կամ կեֆիր: