Վաղվանից հավաքում ենք մեր վրանները․ Իշխան Սաղաթելյան
«Ակնհայտ է, որ սրանց համար աթոռից թանկ բան չկա և պատրաստ են,հանուն այդ աթոռի, նոր արյուն թափելու։ Այս ընթացքում հայտարարել ենք, որ չենք գնալու արնահեղության ճանապարհով, մեր հոգին չի փառավորվում ոստիկանին մահակով հարվածելուց, արնահեղություն կազմակերպելուց։ եթե որևէ մեկը սրա համար մեզ պետք է մեղադրի վճռականության բացակայության մեջ, ապա ես ուղիղ հայտարարում եմ ՝ մենք չունենք հայ սպանելու վճռականություն։ Մենք հեռացնելու ենք Նիկոլին, բայց դա անելու ենք անարյուն»,- Ֆրանսիայի հրապարակում ընթացող «Դիմադրություն» շարժման հանրահավաքի ժամանակ ասաց «Հայաստան» խմբակցության պատգամավոր Իշխան Սաղաթելյանը։
Նա նշեց, որ կանգնած են մարտավարության փոփոխության անհրաժեշտության առաջև և անհրաժեշտ է ստեղծել նոր իրավիճակին համապատասխան մարտավարություն, որը թույլ կտա ընդլայնել շարժումը և հասնել վերջնական նպատակին։
«Շարժման ներուժը մեծացնելու, աշխարագրությունն ընդլայնելու, գործիքակազմը հարստացնելու, հարթակն ընդ;այնելու և հստակ գործողությունների ծրագրով պայքարը շարունակելու նոր և կարևոր հանգրվանի առջև ենք կանգնած։ Հետևաբար՝ «Դիմադրություն» շարժման ղեկավարները որոշել ենք վերափոխման ենթարկել շարժման կառուցվածքը և մարտավարությունը։ Անհրաժեշտ է ինստիտուցիոնալ բնույթ հաղորդել շարժմանը, քաղաքական կազմակերչական, քարոզչական աշխատանքներն ավելի արդյունավետ դարձնելու համար»,- հայտարարեց Սաղաթելյանը ։
Քաղաքական գործիչը պարզաբանեց,որ շարժումն այսուհետ ունենաալու է ենթակառուցվածքներ՝ կոմիտեներ, ոլորտային հանձնախմբեր,որով լուծելու են քաղաքական, կազմակերպական, քարոզչական ուղղությունները։
Անդրադառնալով հրապարակում տեղադրված վրաններին, Իշխան Սաղաթելյանը հայտարարեց․ « Մենք վրանային ավանը հիմնեցինք՝ մշական գործող հավաքատեղ, հասցե, ինչպես նաև դիմադրության առաջին օջախը ձևավորելու համար։ Մենք այդ խնդիրը լուծել ենք՝ բոլորիս համատեղ ջանքերի շնորհիվ։ Ֆրանսիայի հրապարակն այլևս «Դիմադրություն» շարժմանն է պատկանում՝ անկախ նրանից՝ այստեղ վրաններ կլինեն,թե ՝ ոչ։ Այս ավանը լիարժեք կատարել է իր գործը։ Մենք առաջարկում ենք՝ վաղվանից հավաքենք մեր վրանները, բայց միշտ նկատի ունենալով, անհրաժեշտության դեպքում, ցանկացած հրապարակում, մենք կվերականգնենք վրանային ավան»։
Իշխան Սաղաթելյանի հայտարարությունը միանշանակ ընդունվեց հավաքված քաղաքացիների կողմից։ Այդուհանդերձ, քաղաքական գործիչը շարունակեց ներկայացնել առաջիկա անելիքները։
«Ըստ այդմ՝
1․ Ամենշաբաթյա միջոցառումներ, այդ թվում՝ փողոցային կցիաներ, ոլորտային և մասնագիտական քննարկումներ, պարտադիր ժամանակացույցով և գրաֆիկով ժողովրդային հանդիպումներ , շաբաթական հանրահավաք, երթ և փողոցային ակցիաներ։
2․ Շարժման տարածքային և ճյուղային ստորաբաժանումների ձևավորում, այդ թվում՝ Արցախում և Սփյուռքում։
3․ Հանրության լայն շերտերի, այդ թվում ՝գիտական կրթական հոգևոր, մշակութային, գյուղացիական, երիտասարդների հետ հետևողական աշխատանք։
5․ Հստակ չափորոշիչների հիման վրա կադրային բանկի ձևավորում, հաատկապես նոր սերնդից։
6․Մարզերի շարժման կորդինացիոն խորհուրդների ձևավորում։
7․ Հայաստանում հավատարմագրված դիվանագիտական ներկայացուցչությունների ու միջազգային կազմակերպությունների հետ ծրագրավորված աշխատանք։
8․ Ապօրինաբար ձերբակալված և կալանավորված շարժման մասնակիցների իրավունքների պաշտպանության ուղղությամբ հետևողական աշխատանք։
Այս ամենին զուգահեռ, պետք է պատրաստ լինել, որ առաջիկայում կարող են տեղի ունենալ վճռորոշ զարգացումներ և շարժումը պետք է արձագանքի , հակազդեցություն ցուցաբերի և անմիջապես վերադառնա 24 ժամյա ռեժիմին»,- ասաց նա։
Հունիսի 18-ին, ժամը՝ 19․30 տեղի կունենա համապետական հանրահավաք, որի ընթացքում ներկայացվելու է՝ ապագա Հայաստանի մասին շարժման անդամների պատկերացումները։
Հինգշաբթի օրը, հունիսի 16-ին , ժամը 19․ 30-ին լինելու է իրազեկման երթ՝ Արաբկիրի եկեղեցու մոտից։
Հարակից հրապարակումներ`
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
