Ձեր վստահելի աղբյուրը

«Մենք նախատեսում էինք այս տարեվերջին ունենալ ՀՆԱ-պետական պարտք մոտ 60.2 %, բայց, եթե փոխաչժեքի շեղումը բավականաչափ մեծ լինի մեր նախատեսած սկզբնական փոխարժեքային ենթադրություններից, ապա հավանական է, որ մենք կունենանք 59 %-ը չգերազանցող պետական պարտքի ընդհանուր մեծություն»,-ԱԺ-ոիմ հայտնեց ֆինանսների նախարար Տիգրան Խաչատրյանը՝ ներկայացնելով 2021թ պետական բյուջեից կատարողականը:

Նրա խոսքով՝ եթե տարեսկզբի համեմատությամբ տարվա վերջին փոխարժեքը լինի ավելի ցածր, և քանի որ ընդհանուր պարտքի կառուցվածքում մոտ 70 % արտարժույթով գնանշված կամ արտաքին պարտքն է, ապա այդ պարտքի դրամային արժեքն ավելի փոքր կլինի ՀՆԱ-ի նկատմամբ, որը կնպաստի, որ տարեվերջին ՀՆԱ-պետական պարտք հարաբերակցությունն կանխատեսվածից ավելի ցածր լինի:

«2021-ին 72.5 մլրդ դրամ վճարել ենք արտաքին պարտքի նկատմամբ ունեցած մեր տոկոսավճարային պարտավորությունները: Համապատասխանաբար, եթե միջին փոխարժեքի օրինակ 5 %-ի շեղում լինի, դա կնշանակի մոտ 3.5 մլրդ դրամի չափով խնայողություն կունենաք»,-հայտարարեց նախարարը: