Ձեր վստահելի աղբյուրը

«Դիմադրության» շարժման անդամները գլխավոր դատախազության դիմաց բողոքի ակցիա են իրականացնում։

«Մի իշխանություն, որը ձևավորվել է անհնազանդության ակցիաներով, ժամանակին խոսել է, որ ոստիկանի ցուցմունքը չի կարող մարդուն կալանավորելու հիմք լինի, այսօր մարդկանց դրանցով կալանքի տակ են  պահում։ Սա է իրականությունը, սա է հերթական սուտն ու այդ ստերը բացահայտվելու են»,- դատախազության դիմաց ասաց ԱԺ «Հայաստան» խմբակցության պատգամավոր Արամ Վարդևանյանը։

Սակայն, նա խոսքով, որևէ ոստիկան,  ով մարդ է ծեծել, ձերբակալված ու կալանավորված չէ։ Վարդևանյանն ընդգծեց, որ դատախազությունը չպետք է վախենա ոստիկանին մեղադրանք առաջադրելուց, հետապնդում հարուցելուց։

«Մենք այդ պահանջը դնելու ենք մինչև վերջ», - ասաց ընդդիմադիր գործիչը։

Վարդևանյանի խոսքով, խաղաղ ճանապարհով ամեն ինչ անելու են, որպեսզի «առանց Նիկոլ Հայաստանը» դառնա իրականություն։

«Ու այդ տրամաբանության մեջ առաջարկում եմ հիմա փողոցը փակենք», -նշեց նա։

Հիշեցնենք, որ այսօր ավելի վաղ Արամ Վարդևանյանը գրառում էր արել. Ա.Վարդևանյանն ավելի վաղ գրառում էր արել. «Ընկերներ ջան, եկեք այսօր ինքնաբուխ հավաք իրականացնենք։ Ժամը 14-00 Վարդանյանների այգի, Իտալիայի փողոց: Գործ ունենք»։