Ձեր վստահելի աղբյուրը

Նիկոլ Փաշինյանի՝ ավիացիայի հարցերով նախկին խորհրդական Հակոբ Ճաղարյանը ՔԱԿ  նախագահի պաշտոնում Միհրան Խաչատրյանին նշանակելու որոշումը ճիշտ  է համարում։ Նման գնահատական նա հրապարակել է ֆեյսբուքյան իր էջում ու մի քանի նկատառում ներկայացրել։

«Վերջապես ճիշտ նշանակում։

Միհրան Խաչատրյանը նշանակվել է ՀՀ Քաղաքացիական Ավիացիայի Կոմիտեյի նախագահ
Միհրան Խաչատրյանին գիտեմ վաղուց, 1983 թվականից:

Միշտ եղել է գրագետ մասնագետ, և պահանջկոտ հրամանատար: Ոչ միայն օդանավի, այլ ադմինստրատիվ  պաշտոններին`  առավել:

Վստահեցնում  եմ, որ ամբողջությամբ տիրապետում է քաղաքացիական ավիացիայի ոլորտային կարգավորումներին, և կարող է կարգավորել իր նախորդի «ձեռքբերումների» հետևանքով ստեղծված իրավիճակը:

Պարտքս եմ համարում նաև տեղեկացնել, որ ցանկացած ոլորտ, իսկ քաղավիացիայի պես բազմաճյուղ ոլորտը հատկապես, մի դերասանի թատրոն չի:

Մի հոգին նույնիսկ իր մաքսիմումի բազմակին ներդնելով, ի վիճակի չի միայնակ շտկել էս իրավիճակը:

Էդ պատճառով կնշեմ 2 շատ կարևոր երևույթի մասին`

1. Նա իր գործողություններում պետք է ունենա բացարձակ ազատություն, և ոչ մի կողմից չպիտի խոչընդոտվի:
2. գիտեմ, որ պ-ն Խաչատրյանն ավիացիայի նվիրյալ է, և նույնիսկ առանց աշխատավարձի պատրաատ է օրնիբուն աշխատել:

Բայց առանց թիմի աշխատելը հնարավոր չի: Իսկ ստեղծել երիտասարդ, հեռանկարային մասնագետների թիմ, և, առավել ևս, նրանց պահել հանրային ծառայողի աշխատավարձով,  հնարավոր չի:

Այդ իսկ պատճառով նրա իրավասության տակ պիտի լինի խրախուսանքի համակարգ:
Վստահեցնում եմ, որ կխրախուսվի միայն լավ աշխատանքը, այլ ոչ բոլորը և գրաֆիկով:

Ու վերջում`
Կոչ եմ անում, ու խնդրում բոլոր ավիատորներին, որ համախմբվել Միրան Միրանիչի շուրջը:
Ոնց որ համախմբվեցիք, որ փորձենք մեր աշխատանքով խուսափենք 2020-ի Փետրվարին կայանալիք աուդիտի արդյունքում «սև ցուցակում» հայտնվելուց:

Էն ժամանակ մեզ նպատակաուղղված թույլ չտվեցին դա անել:
Հիմա արդեն նույնիսկ իրենց ստեղծածը աշխատեցնելու համար Հայաստանը պիտի սահմանափակումներից ազատվի»։