ՄԱԿ-ի բոլոր 4 բանաձևերն էլ ճանաչում են Արցախի սուբյեկտայնությունը. Դավիթ Բաբայան
«Աշխատության մեջ կա հատուկ գլուխ, որը վերաբերում է Արցախի աշխարհաքաղաքական ներուժին: Արցախի կորուստը, իսկ մենք գիտենք, որ Ադրբեջանի կազմում չի լինելու Արցախ, բերելու է անկանխատեսելի հիմնարար աշխարհաքաղաքական լանդշաֆտի փոփոխությունների»,-«Արցախի հիմնախնդիրը և ԱՀ արտաքին քաղաքականությունը. Փաստեր և խորհուրդներ առանցքային գաղափարների և բանալի հասկացությունների վերաբերյալ» վերնագրով աշխատության շնորհանդեսի ժամանակ հայտնեց Արցախի ԱԳ նախարար Դավիթ Բաբայանը:
Նրա խոսքով՝ Արցախի կորստից հետո ստեղծվելու է լրիվ այլ գլոբալ հավասարակշռվածություն, քանի որ աշխարհում կան փոքր կետեր, որոնցից կարող է կախված լինել ապագան՝ գլոբալ առումով:
Առաջարկելով մի պահ պատկերացնել, որ Արցախը չի լինելու՝ ԱՀ ԱԳ նախարարն ասաց. «Այդ դեպքում հոսանքներից մեկը, որը 100%-ով Անդրկովկասում կունենա գերակշռող դոմինանտ դիրք, այն պանթյուրքիզմն է լինեու, իսկ դրանից կարելի է ակնկալել նաև այլ զարգացումներ՝ նրա ներթափանցում Կենտրոնական Ասիա, Հյուսիսային Կովկաս, Մերձավոր Արևելք, մինչև Չինաստանի Սինցզյան և այլն»:
Ըստ Բաբայանի՝ աշխարհաքաղաքականությունն ունի նորմեր, բայց մարդկությունը թևակոխել է մի դարաշրջան, որ գաղափարները, նորմերը դարձել են երկրորդական, ինչը սակայն չի նշանակում, որ հայ ժողովուրդը չպետք է իմանա իր անցյալն ու ներկան:
«Որովհետև մեր ամենամեծ խնդիրը մենք ենք, մենք է, որ պետք է իմանանք այս ամենը, որովհետև շատերը չգիտեն նույնիսկ թե ո՞րն է Արցախի և Ղարաբաղի տարբերությունը: Ո՞վ է դրանում մեղավոր՝ թո՞ւրքն է մեղավոր, թե՞ ադրբեջանցին, որ մենք չգիտենք այդ ամենը: Հետևաբար պետք է առաջինը ինքներս հավաքվենք, հասկանանք ինչ ունենք, ի մի բերենք ամենը: Եթե մենք չգիտնեք, թե ինչ ունենք, ինչ առավելություններ և խոցելի տեղեր, ապա սխալներ ենք թույլ տալու»,-նկատեց Դավիթ Բաբայանը և աշխատությունը փոքր միջոց համարեց ինչ-որ երևույթներ շտկելու համար:
Նա հայտնեց, որ մարդկի պետք է իմանան ՄԱԿ-ի բանաձևերի մասին և հայտարարեց, որ այդ բոլոր 4 բանաձևերն էլ ճանաչում էին Արցախի սուբյեկտայնությունը:
«Բայց դրա մասին պետք է խոսել, եթե Ադրբեջանն ասում է, որ այնտեղ ինչ-որ բան է գրված տարածքային ամբողջականության մասին, ապա պետք է ասել, որ այնտեղ ճանաչվում է Արցախի սուբյեկտայնությունը, քանի որ գրված է «տեղական հայկական ուժեր», որոնք ոչ Հայաստանին, ոչ Ադրբեջանին և ոչ էլ այլ պետության պատկանող չեն: Սա սուբյեկտայնություն է և դրա մասին պետք է անպայման խոսել»:
Հայտարարելով, որ սկզբունքայնությունն ադյունքներ է տալիս՝ ԱԳ նախարարը բերեց օրինակ. «Շառլ Միշելի այդ սարսափելի հայտարարությունը՝ Ղարաբաղի հայեր և այլն ու Արցախից այդ կոշտ արձագանքը, ինչպես նաև՝ բոլոր այլ տեղերից, բերել է նրան, որ հետագայում Թոյվո Կլարը, մյուսները սկսել են արդարանալ, թե դա նկատի չունեին և այլն: Մեզանից շատ բան է կախված, ավելին՝ կախված է հենց մեզանից, թե ինչպե՞ս ենք մենք մեզ պահելու, ինչպե՞ս ենք մենք մեզ դրսևորելու, ի՞նչ քաղաքականություն ենք վարելու: Չպետք է թերագնահատել մեր կարողությունները, ավելին՝ հուսահատվել»:
Բաբայանը հայտնեց, որ հրատարակված աշխատությունը պետք է թարգմանվի և Շառլ Միշելն ու մյուսներն այդ մասին պետք է լսեն միշտ և պարբերաբար:
«Շառլ Միշելի ասածը մեզ համար օրենք չէ, որովհետև սա գոյապայքար է: Մենք չենք անպատվում Շառլ Միշելին, ամենևին՝ ոչ, այլ քաղաքակիրթ ձևով ասում ենք՝ դա քո մոտեցումն է, մենք էլ այսպես ենք մտածում և եթե որևէ մեկը կարծում է, թե չկա այլընտրանք, ապա չափազանց սխալվում է, այլընտարնքը միշտ էլ կա, քանի որ աշխարհաքաղաքականությունը միշտ էլ տալիս է տարբեր այլընտրանքներ և կարևորագույն տարածաշրջաններում երբեք վակուում չի առաջանում»,-ասաց Արցախի ԱԳ նախարարը և հավելե. «Արցախը երբեք չի լինելու Ադրբեջանի կազմում, իսկ մեր ազդակն այն է, որ մենք կանգնելու ենք մինչև վերջ և թույլ չենք տալու այդ կարմիր գծերը խախտեն»:
Հարակից հրապարակումներ`
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
