Ձեր վստահելի աղբյուրը

Ֆուտբոլասերներին, ովքեր պատրաստվում են ներկա գտնվել 2022 թվականին Կատարում կայանալիք Ֆուտբոլի աշխարհի առաջնությանը, կարգելվի այդ երկրում սեքսով զբաղվել։ Daily Star-ի հաղորդմամբ, հակառակ դեպքում նրանց կարող է սպառնալ մինչև յոթ տարի ազատազրկում։

News.ru-ն գրում է, որ բացառություն է ամուսնացածների համար։ Երկրի օրենքների համաձայն, սեռական հարաբերությունը թույլատրվում է միայն ամուսինների միջև։ Միևնույն ժամանակ, նրանք պետք է լինեն տարբեր սեռի։ Միասեռական հարաբերություններ Կատարում նույնպես պատժվում են ազատազրկմամբ։

«Սեքսն արգելված է, եթե ամուսիններ չեն։ Փաստորեն, այս տարվա Աշխարհի առաջնությունում  առաջին անգամ է, երբ գործում է սեքսի արգելքը: Երկրպագուները պետք է պատրաստ լինեն»,- տեղեկությունը հաստատել է ոստիկանությունում աղբյուրը։

Ինչպես հայտարարել է Աշխարհի գավաթի անցկացման Կատարի Գերագույն կոմիտեն, «Կատարը պահպանողական երկիր է, որտեղ սիրո հրապարակային դրսևորումները, անկախ սեռական կողմնորոշումից, ընդունված չէ»։ 

Բացի այդ, Աշխարհի առաջնությանը չի թույլատրվի խնջույքներ կազմակերպել և ալկոհոլ խմել։

22-րդ Ֆուտբոլի աշխարհի առաջնությունն կանցկացվի Կատարում 2022 թվականի նոյեմբերի 21-ից դեկտեմբերի 18-ը։ Սա կլինի առաջին Աշխարհի գավաթը, որը կանցկացվի Արաբական աշխարհում և առաջին անգամ մահմեդական մեծամասնությամբ երկրում։ Քանի որ Կատարում ամռանը սաստիկ շոգ է, որոշվել է այն անցկացնել նոյեմբերի վերջին և դեկտեմբերի առաջին կեսին, նախապես որոշված մայիս-հունիսի փոխարեն։