Ձեր վստահելի աղբյուրը

«Նախագծով փոփոխություններ են արվել համայնքների ենթակառուցվածքների զարգացման ուղղությամբ իրականացվող սուբվենցիոն ծրագերրում»,-գործադիրի նիստում ասաց ՏԿԵ նախարար Գնել Սանոսյանը:

Նա հայտնեց, որ 4 փոփոխություն է նախատեսվում, որից մեկը խոշոր և ռեֆորմային է:

«Ձեր կողմից ունեինք հանձարարական, որ հաջորդ տարվա սուբվենցիոն ծրագրերի փաստաթղթային և նախագծման աշխատանքներն անենք այս տարի, որպեսզի շինարարական աշխատանքներն իրականության մեջ սկսվեն ավելի վաղ և վերջապես կարողացանք այդ փոփոխություններին ահսնել»,-Նիկոլ Փաշինյանին դիմեց Սանոսյանը և հավելեց. «Առաջարկվող նախագիծն հետևյալն է, մեր համայնքներն այս տարի մինչև հուլիսի 10-ը սուբվենցիոն հայտերը կներկայացնեն մարզպետարաններ, վերջիններս դրանք մինչև հուլիսի 15-ը կներկայացնեն ՏԿԵ նախարարություն և նախագծերի ներկայացման վերջնաժամկետը մինչև նոյեմբերի 30-նն է լինելու»:

Ըստ Գնել Սանոսյանի՝ վերջին ժամկետը, որ ծրագիրը կգնա համայնք և մրցույթ կհայտարարվի՝ փետրվարի 1-ը կամ 2-ն է լինելու, բայց կլինեն ծրագրեր, որոնք համայնքներին կփոխանցվեն դեկտեմբերին, որից հետո մրցույթը կհայտարարի և եղանակային բարենպաստ պայմաններում  մարտ ամսից հնարավոր կլինի աշխատանքները սկսել:

ՏԿԵ նախարարի խոսքով՝ մյուս փոփոխությամբ սալարկման աշխատանքների հարցում բարձարացվել է կառավարության աջակցության չափը՝ սահմանվելով  50-70%: Համայնքներում պետության համաֆինանսավորման մասնաբաժինը կլինի 50 %, բարձր լեռնային գոտիներում 65 % և սահմանամերձ բնակավայրերում՝ 70%:

Նիկոլ Փաշինյանն էլ իր ելույթի զգալի մասը նվիրեց գյուղական ճանապարների սալապատմանը, դրանց պահպանմանը, փողոցները մաքուր պահելու  համար համայնքներում մեխանիզմներ ստեղծելուն:

«Մարդիկ կասեն՝ էս ինչի՞ց են խոսում, հլը նայեք՝ մեր երկիրն ինչ մարտահրավերների առաջ է կանգնած, եկել են բորդյուրի տակ հավաքված ցեխն են քննարկում, բայց ես կարծում եմ, որ այդ բևեռները գենետիկ կապ ունեն, քանի որ ընդհանուր հայացք ու մտածելակերպ է: Էն պրոբլեմները, որ մենք ունեցել ենք և ունենք, ես դրա արմատը տեսնում եմ 30 տարի ցեխի մեջ կորած փողոցներում»,-հայտարարեց Փաշինյանը: