ԱՄՆ-ի խոշոր քաղաքներում աբորտի իրավունքի սահմանափակումների դեմ բողոքի ցույցեր են տեղի ունեցել

Հասարակություն 11:33 25/06/2022 Հայաստան

ԱՄՆ-ի խոշոր քաղաքներում աբորտի իրավունքի սահմանափակումների դեմ բողոքի ցույցեր են տեղի ունեցել

ԱՄՆ-ի խոշոր քաղաքներում տեղի են ունեցել զանգվածային խաղաղ ցույցեր ԱՄՆ Գերագույն դատարանի կողմից աբորտների իրավունքների դաշնային երաշխիքների չեղարկման դեմ, գրում է ՏԱՍՍ-ը։

Նյու Յորքում մի քանի հազար ցուցարարներ, որոնք սկզբում հավաքվել էին Մանհեթենի Վաշինգտոն Սքվեր պուրակում, երթով շարժվել են մինչև դաշնային դատարանի շենք, իսկ հետո՝ Բրուքլին: Երեկոյան ակցիան ավարտվել է անձրևի պատճառով։

Ավելի ուշ հայտնի է դարձել, որ ոստիկանության աշխատակիցները շաբաթ գիշերը ձերբակալել են մի քանի մասնակիցների՝ ի պաշտպանություն աբորտների իրավունքի, որոնք փորձել են փակել Մանհեթենի կենտրոնական փողոցներից մեկը: Այս մասին ՏԱՍՍ-ի թղթակցին պատմել են ակտիվիստները դեպքի վայրում։

Հիշեցնենք, որ ԱՄՆ-ի Գերագույն դատարանը կայացրել է վճիռ՝ չեղյալ հայտարարելով 1973 թվականին ընդունված որոշումը, որն օրինականացնում էր հղիության արհեստական ընդհատումներն ամբողջ երկրում։

Նախագահ Բայդենն ասել է, որ իր վարչակազմը կպաշտպանի կանանց «հիմնական այս իրավունքը», ու խոստացել է թույլ տալ կանանց, հղիության արհեստական ընդհատումներն իրականացնել այն նահանգներում, որտեղ այն թույլատրվում է: Այսինքն, աբորտներն արգելող նահանգներում բնակվող կանայք կարող են ունենալ հղիությունն այլ նահանգում ընդհատելու իրավունք:

Հարակից հրապարակումներ`

ԱՄՆ-ի Գերագույն դատարանը կայացրել է որոշում, որով արգելվում են հղիության արհեստական ընդհատումները

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: