Ձեր վստահելի աղբյուրը

«Ես էլ եմ 1975 թ.-ին ծնված ՀՀ քաղաքացի, Նիկոլ Փաշինյանն էլ է 1975 թ ծնված, եթե ես դուս գամ Ստեփանակերտի խանութներից մեկից գողություն կատարեմ՝ տնտեսվարող սուբյեկտին պատճառելով 20 հազար դրամի վնաս, ուզում են իմանալ՝ Արցախի իրավապահ մարմիններն ինձ ի՞նչ կաեն»,-ասուլիսում հայտարարեց ՍԴ աշխատակազմի նախկին ղեկավար Էդգար Ղազարյանը:

Նա ենթադրեց, որ իրեն այդ արարքի համար կկալանավորեն, կտանեն ոստիկանության բաժին և քրեական գործ կհարուցեն:

«Եթե 20 հազար դրամի գողության համար ՀՀ քաղաքացուն բռնում են՝ Նիկոլ Փաշինյանն ինչո՞ւ է մինչև հիմա ազատության մեջ: Նա արցախին 20 հազար դրամի՞ է վնաս տվել, թե՞ մտածում եք, որ վնաս չի տվել:

Եթե վնաս չի տվել, ապա մեդալ տվեք այս մարդուն, Արցախի հերոս տվեք: Լավ, իրեն չեք տալիս՝ իր կինը շան տանջանք քաշեց, էդ աղջիկը պատերազմի ժամանակ՝ էս բունկերից հելնում, գնում էր էն հանդիպման, էն հանդիպումից հելնում գնում էր մյուս պադվալում գտնվող ընտանիքներին տեսակցում: Այնտեղից գնում մի այլ տեղ էր աշխատում: Զինվորական խնդիրները մի կողմից էր լուծում, սոցիալականը՝ մյուս կողմից:

Աժ նախագահը հայտնել էր, որ նույնիսկ ցանկացել էր Արցախի պատգամավորների հետ հանդիպել: Այսինքը՝ Աննա Հակոբյանը պետք է գնար պատգամավորների հետ հանդիպեր, մարդը գոնե այդտեղ իրեն զսպել էր, ասել՝ գոնե կին պատգամավորների հետ հանդիպի:

Բա էս մարդը սաղ գործն արել է, լավ բա մի Արցախի հերոսի կոչումն ի՞նչ է, որ դուք էս աղջկան չեք տալիս, որ խեղճը հելել ընկել է մոնակոները, նիցաները ման է գալիս, հիմա էլ այնտեղ է շան օր քաշում՝ դիվանագիտություն է անում, սփյուռքի հետ կապեր է հաստատում, գնացել է այնտեղ դպրոցի Այբբենարանի հանդես, հեսա գնալու է տոնածառի հանդես: Բա մի հատ մեդալ տվեք, պարգևատրեք այդ աղջկան, եթե ձեզ վնաս չի տվել՝ օգուտ է տվել»,-առաջարկեց Էդգար Ղազաչյանը:

Նա հարց հնչեցրեց, որ եթե Աննա Հակոբյանը վնաս է տվել, ապա Արցախի անվտանգության խորհուրդը ի՞նչ է մտածում՝ Հայաստանի իշխանությունը Արցախի անվտանգությանը սպառնալիք է, թե ոչ, ու եթե սպառնալիք է, ապա պետք է թողնեն, որ այն իրենց իշխի՞:

«Ես կարծում եմ, որ Արցախի հասարակական վիճակը գոյություն ունեցող վիճակին չի համապատասխանում»,-եզրահանգման եկավ Ղազարյանը: