Ձեր վստահելի աղբյուրը

«Ալեն Սիմոնյանն իր էությամբ վերջակետ է, այլ ոչ թե միջակետ: Վերջակետ է՝ բարոյական մտածողության, քաղաքական գիտակցության, իրավական իմացության»,-«Հայելի» մամուլի ակումբում հայտարարեց ԱԺ նախկին պատգամավոր Գևորգ Պետրոսյանը:

Անդրադառնալով Ալեն Սիմոնյանի այն խոսքերին, թե ընդդիմությունը պետք է գա ԱԺ, խելոք նստի, կամ զրկվելու է մանդատներից՝ Պետրոսյանն ասաց. «Իմ քննության ժամանակ Ալեն Սիմոնյանը մեխը կոխել էր իր քիթը, որ արյուն գար, քննությունիցս դուրս գար, որ մտներ արտահերթ քննություն հանձներ: Այ այսպես է նա ավարտել ԵՊՀ իրավաբանական ֆակուլտերը»:

Նախկին պատգամավորը հայտարարեց, որ եթե ինքը սուտ է ասում, թող Ալեն Սիմոնյանն իրեն դատի տա և, որ ԵՊՀ իրավաբանության ֆակուլտետի դասախոսական կազմը լավ գիտի, թե ԱԺ նախագահը ինչպես է ավարտել ֆակուլտետը:

Նկատելով, որ այսօր Ալեն Սիմոնյանը դարձել է մանդատ որոշող՝ Պետրոսյանն ասաց. «Ախր ընդդիմությունն է մեղավոր, երբ ես ասում էի, որ պետք է ընդդիմությունն ունենա ընդունված առաջնորդ և ծրագիր, ինձ ասում էին՝ դու ինչո՞ւ ես քննադատում ընդդիմությանը»:

«Պետական իշխանությունը ժառանջած ոճրագործ նսեմացված(ՊԻԺՈՆ) Նիկոլն իշխանությունը հեշտ է ստացել, թույլ է տվել Քրեկան օրենսգրքով պատժելի արարքներ, այդ թվում նաև հատուկ պաշտպանության օբյեկտ մուտք գործելը և անպատիժ է մնացել»,-ասաց բանախոսը և փաստեց, որ Նիկոլ Փաշինյանը ոճրագործ է, որովհետև ինքնախոստովանական հայտարարությամբ ասել է, որ ինքը կարող էր այդ 7 հազար զոհերը կանխել, բայց չի կանխել:

Անդրադառնալով իշխանության ներկայացուցիչների՝ մեծ պատվիրակություններով կատարած այցերին՝  Գևորգ Պետրոսյանն ասաց.«ՊԻԺՈՆ Նիկո՛լ, էս վոյաժներին ե՞րբ եք թարգը տալու, էս քո թիմը, որ այս ու այն կողմ  է գնում 10 հոգին գերազանցող թիմով, երբ եք պետական բյուջեից վատնածի հաշվետվությունը տալու, ես՝ որպես դասախոս, հարկատու մարդ, պահանջում եմ պարզաբանում»: 

Բանախոսընաև ընթերցեց ՔՊ-ական պատգամավոր Անդրանիկ Քոչարյանի հնչեցրած վերջին խոսքերին. «Կյանքը միշտ իր շփումները կդնի մեր առջև և մենք պարտավոր ենք միասին այս բարդ ժամանակաշրջանում անցնեք մեր ճանապարհը՝ մեր անվտանգության տիրույթն ամուր պահելով ևս» և մեկնաբանեց. «Բառակույտ է: Ասենք, Անդրանիկ Քոչարյանի բառակույթին կարելի էր գումարել. «էշ բռթեմ, քցեմ ցեխը» կամ  «Նապաստա՛կ, ելի կախվի կրիշից» արտահայտությունները և Անդրանիկ Քոչարյանի խոսքի մեջ ոչ մի առարկայական բան չէր փոխվի»:

Պետրոսյանը նման խոսքերից և վարքից եզրակացրեց, որ ՔՊ-ական պատգամավորները տեղյակ չեն, թե ինչ են աշխատում, նրանց համար մանդատը բեռ է դարձել:

Անդրադառնալով Արցախի ճակատագիրը կործանելու և պարտությունները շարունակելու փաշինյանի քայլերին՝ ԱԺ նախկին պատգամավորն ասաց. «Նիկոլ Փաշինյանին գնակը ափսոս է, ճանճ սատկացնելիքով երեք անգամ խփես՝  կսատկի»: