Ձեր վստահելի աղբյուրը

Երևանը դարձել է ռուսաստանցիների համար ամենանախընտրելի  արտասահմանյան զբոսաշրջային ուղղությունն այս տարվա հուլիսին։ ՏԱՍՍ-ի համար վիճակագրությունը հավաքել է  Aviasale-ը:

«Երևանը հուլիս ամսվա ամենաշատ ամրագրված ուղղությունների վարկանիշում զբաղեցրել է յոթերորդ տեղը. Aviasales-ով գնված բոլոր ավիատոմսերի 2,9 տոկոսը բաժին է ընկնում Հայաստանի մայրաքաղաքին։ Հուլիսին մեկ անձի համար դեպի Երևան երկկողմանի ավիատոմսերի միջին արժեքը կազմում է 26054 ռուբլի»,-  ՏԱՍՍ-ին հայտնել են մամուլի ծառայությունից։

Ստամբուլը և Անթալիան նույնպես հուլիսին օդային ճանապարհորդության լավագույն 10 քաղաքների ցանկում են։

Aviasales-ի տվյալներով, անցյալ տարվա հուլիսին Ռուսաստանից Երևան չվերթի տոմսի միջին արժեքը կազմել է 20 հազար ռուբլի, 2022 թվականի հուլիսին դեպի Ստամբուլ՝ գրեթե 40 հազար ռուբլի (մեկ տարի առաջվա 24,8 հազար ռուբլու դիմաց), դեպի Անթալիա՝ ավելի քան  44 հազար ռուբլի (23,2 հազար ռուբլու դիմաց):

Ինչ վերաբերում է ներքին ուղղություններին, ապա Սոչին դարձել է ռուսների շրջանում ամենապահանջված քաղաքը։