Ձեր վստահելի աղբյուրը

«Այնտեղ, որտեղ սահմանադրությունն իշխանություններին չի խանգարում՝ պահում են, իսկ այնտեղ, որտեղ խանգարում է, անտեսում, շրջանցում կամ ոտնահարում են և աստիճանաբար սահմանադրական կարգը Հայաստնում վերածվել է ՀՀ պետականության հիմքերը խարխլելու միջոցի»,-«Հայելի» մամուլի ակումբում ասաց պաշտպանության նախկին փոխնախարար, ՀՀԿ ԳՄ անդամ Արտակ Զաքարյանը:

Նա հայտարարեց, որ Սահմանադրության խախտման օրինակներն այնքան շատ են ու մեկը մյուսից ավելի աղավաղված ու քրեական տարրեր պարունակող, որ հասարակությունն արդեն մեծ ցավով խոսում է ՀՀ Սահմանադրության չգոյության մասին և  ՀՀ-ն լիովին գտնվում է իներցիոն իրավակարգավորումների դաշտում:

«Արդեն 4 տարի է ՀՀ Սահմանադրությունն վերածեվել է «Նկարիր ինքդ»-ի կամ «Ներկիր ինքդ»-ի նման փաստաթղթի, որտեղ յուրաքանչյուրն ինչպես ուզում ու կարողանում է իր երևակայության մեջ պատկերացնել, այնպես էլ այդ Սահմանադրության հետ վարվում է, նույնիսկ՝ ոչ թե միայն մեկնաբանում»,-ասաց Արտակ Զաքարյանը:

Նա հիշեցրեց, որ ցանկացած Սահմանադրություն տվյալ պետության գոյության թիվ մեկ երաշխիքն է, որով սահմանվում է պետության իրավական լինելը և երաշխավորվում է յուրաքանչյուր քաղաքացու իրավունքը:

«Փաստ է, որ արդեն բազմաթիվ կալանավորված մադիկ կան, ինչը խոսում է այն մասին, որ ՀՀ-ն չի երաշխավորում որևէ մեկի ազատ կամարտահայտումը:

Միայն այն հանգամանքը, որ ՀՀ իշխանությունները, կապիտուլյանտների տեսքով, կարող են շատ հանգիստ ՀՀ տարածքները բաժանել արևելյան հարևաններին, հենց միայն այն հիմքով, որ ՀՀ կառավարությունն այլևս հաշվետու չէ ԱԺ-ին, որ խորհրդարանը ծառայում է բացառապես կառավարության երևակայությանը, որոնք հակապետական և ապազգային քաղաքականություն են իրականցնում, հենց միայն այն հիմքով, որ այսօր Սահմանադրությամբ որևէ կերպ չի կարգավորվում ՀՀ-ում գոյություն ունեցող քաղաքական ճգնաժամը, որ ԱԺ-ում ընդդիմություն-իշխանություն հարաբերություններում ամենատարբեր և անհավանական զարգացումներ կարող են տեղի ունենալ և նման օրինակները բազմաթիվ են, խոսում են սահմանադրական կարգի խնդիրների մասին: Այսօր մեր պետության գլխավոր խնդիրներից մեկն է ինքնապաշտպանական եղանակով առաջին հերթին վերականգնել Սահմանադրական կարգը»,-ասաց Զաքարյանը:

Հայտնելով, որ հիմնական օրենքի ոտնահարումը երաշխիք չի տալիս մյուս օրենքների լիարժեք կիրառման համար՝ բանախոսն ասաց. «Իշխանությունները մարդկանց մոտ իլյուզիաներ են ստեղծել, թե իբր իրենք ամենաօրինապահ, ամենահետևողականն են, օրենքի գերակայության, օրենքը բոլորի համար է կարգախոսի կրողն են, իշխանությունը ժողովրդին են վերադրաձրել, բայց սրանք բոլորը հեքիաթներ են, կեղծիք և սուտ, որովհետև դատարանների շրջափակումները, դատական համակարգում կամայական գործողությունները, դատավորներին ահաբեկումը, քաղաքական ընդդիմության նկատմամբ ծեծկռտուքը, ձերբակալությունները, ցուցարարներ և ոստիկանություն բախումները, ազատ խոսքի նկատմամբ ոտնձգությունները, կեղտոտ քարոզչությունը, կեղծիքը, սուտը, պետական շահերի դեմ ընդհուպ մինչև թշնամու միջամտությունը իշխանության առօրյան է: Սա խոսում է այն մասին, որ ՀՀ Սահամանադրությունն այլևս չի կարողանում ապահովել Հայաստանի պետականության հիմքերը, իսկ առանց պետականության ՀՀ քաղաքացին , հայ մարդը ոչ անվտանգություն է ունենալու, ո՛չ սոցիալական, ո՛չ էլ իրավական երաշխիքներ և սեփական երկրում ինքնուրույն ու անվտանգ զարգանալու հիմքեր է ունենալու և չի կարողանալու լուծել իր կայուն զարգացման խնդիրները: Այս ամենը մեկ քաղաքական ուժի՝ ՔՊ-ի շնորհիվ»:

Արտակ Զաքարյանը հայտնեց, որ իրավիճակը միանշանակ հնարավոր է շտկել, քանի որ հնարավոր չէ, որ 5 հազար տարվա պետականություն ունեցող ժողովուրդը հեշտ հանձնվի: