Արտակ Զաքարյան. Ուսապարկ-պատգամավորները բացահայտ կերպով զգում են քաղաքական ճգնաժամն իրենց մաշկի վրա
ՀՀԿ փոխնախագահ, պաշտպանության նախկին փոխնախարար Արտակ Զաքարյանը գրում է.
«ԱԺ այսօրվա արտահերթ նիստում, չմնաց գեթ մեկ ՔՊ-ական ուսապարկ (ըստ ՔՊ-ի` իրենց պատգամավորները Նիկոլի ուսապարկեր են), որը չխոսեր ընդդիմության մասին: Սա շատ բնական եմ համարում: Ուսապարկ-պատգամավորները բացահայտ կերպով զգում են քաղաքական ճգնաժամն իրենց մաշկի վրա: Վերջապես բնազդաբար հասկանում են, որ առանց ընդդիմության` խորհրդարան չի լինում:
Ժողովրդավարական համակարգերում ընդդիմությունն է իմաստ և բովանդակություն տալիս խորհրդարանական քննարկումներին: Այլապես, այն վերածվում է կռապաշտության: Իրենք խոսում, իրենք քվեարկում և իրենք ծափ տալիս պետության կործանմանը:
Ընդդիմության երկու խմբակցությունները, ուղիղ ութ ամիս ակտիվ աշխատել են խորհրդարանում, մասնակցել նիստերին, հանդես եկել օրենսդրական նախաձեռնություններով, այլընտրանքային առաջարկներով, առողջ քննադատությամբ և քաղաքական հայտարարություններով: Ի՞նչ են ստացել արդյունքում. խուլիգանական ծեծկռտու՞ք, վարչապետական հիստերիա՞, հիվանդագին մեկնաբանություննե՞ր, անհարգալից վերաբերմու՞նք, ընդդիմադիր պատգամավորին ԱԺ ամբիոնի մոտից սերժանտների կողմից ձեռքերն ոլորելով հեռացնե՞լ, նախաձեռնությունների մերժու՞մ, արտահերթ նիստերին ուսապարկերի չմասնակցություն-տապալու՞մ...
Լավ իմացեք, Հայաստանն ունի ընդդիմություն և այն ժողովրդի հետ է, ժողովրդի կողքին: Բոլորովին պարտադիր չէ, որ խորհրդարանական ընդդիմությունը մասնակցի ԱԺ կրկեսին ու բեմադրվող ֆարսին: Թող իրենք պատվիրեն երաժշտությունը, իրենք պարեն կապիտուլյանտի դուդուկի տակ, իրենք էլ պատասխանատու լինեն իրենց բազմաթիվ ձախողումների համար:
Լավ չի չէ՞ առանց ընդդիմության ո´չ հարգելի կապիտուլյանտներ: Դե խելքներդ գլուխներդ հավաքեք, ու պատրաստվեք անխուսափելի պատասխանատվության ծանր բեռը կրելուն: Եթե իհարկե դուք այդքան կաք:
Հայրենիք կործանողն ու սեփական ժողովրդին հայրենազրկողը արժանի չէ առողջ ուժերի հետ համագործակցության: Դուք ինքնասիրահարված ապուշի նման, 2018թ.-ից մերժել եք բոլոր տիպի համագործակցությունները, խորհուրդներն ու առաջարկությունները: Դուք պետք է հեռանաք ու չխանգարեք երկիրը կարգի բերելուն»։
Հարակից հրապարակումներ`
- 4 տարի է ՀՀ Սահմանադրությունն վերածեվել է «Նկարիր ինքդ»-ի կամ «Ներկիր ինքդ»-ի նման փաստաթղթի. Արտակ Զաքարյան
- Չի բացառվում, որ Նիկոլը Թուրքիայում բողոքած լինի․ Արտակ Զաքարյան
- Արտակ Զաքարյան. ՔՊ կոչվող չարորակ հիվանդության դեմ պայքարելու համար ընդդիմությանը պաշտոններ պետք չեն
- Ընդդիմությանը լսել և աջակցել է պետք․ Արտակ Զաքարյան
- Արտակ Զաքարյան. Առանց Հայաստան Նիկոլը ոչ ոքի պետք չէ, առանց Նիկոլի Հայաստանը բոլորին է պետք
- Արտակ Զաքարյան. Նիկոլիզմն անբարո իշխանություն է և պետք է արմատախիլ արվի Հայաստանից ու Արցախից
- Հեռացե՛ք, քանի դեռ ինչ-որ բան մնացել է Հայաստանից ու Արցախից․ Արտակ Զաքարյան
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
