Ձեր վստահելի աղբյուրը

ՀՅԴ ԳՄ ներկայացուցիչ, «Դիմադրություն» շարժման առաջնորդներից Իշխան Սաղաթելյանը, ով այժմ աշխատանքային այցով Ստարբուրգում է, ֆեյսբուքյան ուղիղ եթերով բոլորին հիշեցնում է, որ այսօր ժամը 19։30-ին  Ֆրանսիայի հրապարակում շարժման հանրահավաքն է։

«Հասկանալի պատճառով այսօրվա մեր հանրահավաքին ես ներկա չեմ լինի: Հանրահավաքը, բնականաբար,տեղի ունենալու է, մեր գործընկերները օրակարգային հարցերի շուրջ հանդես կգան ելույթներով։ Բոլորիդ հրավիրում եմ հանրահավաքի: Լավ մնացեք, պինդ մնացեք, մինչև նոր հանդիպում»,- ասում է ընդդիմադիր գործիչը։ 

Նա նշում է, որ անցնող օրերին Եվրոպական խորհրդարանում ունեցել է մի շարք հանդիպումներ. «Հանդիպումների նպատակն էր նաև ներկայացնել «Դիմադրության» շարժման, խորհրդարանական ընդդիմության տեսակետները, մոտեցումները, ծրագրերն արցախյան հիմնախնդրի կարգավորման, Հայաստանի անվտանգության մեր պատկերացումների, կարմիր գծերի և առհասարակ, մեր ժողովրդի մոտեցումների մասին:

Հանդիպումների ժամանակ խոսվել է նաև Հայաստանի ներքաղաքական խնդիրների, ժողովրդավարական գործընթացների մասին:

Հայաստանի այսպես կոչված իշխանությունների, մասնավորապես, խորհրդարանական դիվանագիտության կողմից կա փնթի, անկազմակերպ, անսկզբունք աշխատանք, կա մեծ բաց: Հստակ պետք է արձանագրել, որ Հայաստանի, Արցախի և առհասարակ հայ ժողովրդի շահերը պատշաճ կերկով ներկայացված չեն, որտեղ մենք ևս հսկայական անելիք ունենք»: