Ձեր վստահելի աղբյուրը

ԱՄՆ հանրապետական սենատոր Ռիկ Սքոթի (ՀՖՖ) Թայվան այցի կապակցությամբ Չինաստանի զինված ուժերն իրենց պատրաստակամությունն են հայտնում ցանկացած պահի ռազմական գործողություններ սկսել ազգային ինքնիշխանությունը պաշտպանելու համար։ ՏԱՍՍ-ի փոխանցմամբ, այդ մասին ուրբաթ օրը հայտնել է Չինաստանի պաշտպանության նախարարությունը։

«Միացյալ Նահանգների նման գործողությունները լրջորեն խախտել են «մեկ Չինաստանի» սկզբունքը»,-ասել է Չինաստանի ռազմական գերատեսչության պաշտոնական ներկայացուցիչ Ու Ցյանը, և հավելել. «ՉԺՀ-ն խստորեն բողոք է արտահայտնում դրա դեմ։ Չինաստանի ժողորվրդական ազատագրական բանակը (ՉԺԱԲ)միշտ պատրաստ է պատերազմի, ցանկացած պահի կարող ենք սկսել ռազմական գործողություններ, մենք հաստատակամորեն պաշտպանելու ենք մեր երկրի ազգային ինքնիշխանությունը և տարածքային ամբողջականությունը»։

Ինչպես նա նշել է ՉԺԱԲ-ից՝ պատրաստ են վճռականորեն վերջ կդնի արտաքին միջամտությանը և թայվանցի անջատողականների՝ այսպես կոչված Թայվանի անկախությանը հասնելու փորձերին»։
«Ամեն գնով անհրաժեշտ է ապահովել հայրենիքի միասնությունը»,-ընդգծել է Ու Ցյանը։

Թայվանը կառավարվում է իր սեփական վարչակազմի կողմից 1949 թվականից, երբ Չիանգ Կայ Շեկի (1887-1975) գլխավորած Կուոմինտանգի ուժերի մնացորդները փախան այնտեղ՝ Չինաստանի քաղաքացիական պատերազմում պարտվելուց հետո։