Ձեր վստահելի աղբյուրը

«Մեր սահմանը փոխվել է, մեր ամբողջ սահմանային բնագիծը փոփոխության է ենթարկվել, չի բացառվում, որ այլ վայրերում ևս հնչեն կրակոցներ կամ հնչել են կրակոցներ։ Շաբաթներ են եղել, որ ամեն օր են հնչել»,- ԱԺ-ում լրագրողների հետ զրույցում ասաց պաշտպանության փոխնախարար Արման Սարգսյանը՝ պատասխանելով հարցին, որ վերջին շրջանում Վայոց Ձորի ուղղությամբ կրակոցներ են հնչում, ինչո՞ւ է թշնամին ընտրել այս ուղղությունը։

Նա չցանկացավ պատասխանել լրագրողների հարցերին՝ հորդորելով հետևել պաշտոնական լրահոսին։

«Եթե կա տեղեկատվություն, որ կրակել են, կխնդրեմ այդ տեղեկատվությունը հետևեք ու որպես ելակետ վերցրեք այդ տեղեկատվությունը: ՊՆ-ն չի կարող որևէ բան թաքցնել, այսինքն չի կարող լինել սահմանային միջադեպ, որի մասին ՊՆ-ն լռի»,-ասաց նախարարը:

Լրագրողի հարցին, թե ինչո՞ւ ադրբեջանական կրակոցներին հայկական կողմը չի արձագանքում, անընդհատ զոհի կարգավիճակում է, Ա. Սարգսյանն ասաց. «Մենք անընդհատ զոհի կարգավիճակում չենք»։