Ձեր վստահելի աղբյուրը

Իրանն ու Ռուսաստանը, որոնք համաձայնության են եկել ԱՄՆ պատժամիջոցների ֆոնին, երկկողմ առևտրային գործարքներում պատրաստվում են դոլարի փոխարեն օգտագործել սեփական արժույթները։ En Son Haber թերթի համապատասխան նյութը ներկայացնում է ИноСМИ-ին։

Նշվում է, որ Ուկրաինայում ռազմական հակամարտության ֆոնին Ռուսաստանը էներգակիրների առևտրում ռուբլու օգտագործման պահանջ է մտցրել, իսկ այժմ նոր  ճանապարհ է բռնում Իրանի հետ իր գործարքներում:

Իրանի Կենտրոնական բանկի ղեկավար Ալի Սալեհաբադին Թեհրանում լրագրողներին ասել է, որ պատժամիջոցների դեմ պայքարող Թեհրանի և Մոսկվայի միջև ձեռք են բերվել որոշ կարևոր պայմանավորվածություններ բանկային, ֆինանսական և տնտեսական ոլորտներում։

Իրանական Mehr կիսապաշտոնական լրատվական գործակալության փոխանցմամբ՝ Սալեհաբադին նշել է, որ ռուս պաշտոնյաների հետ բանակցությունների ընթացքում երկու կողմերն էլ զգալի քայլեր են ձեռնարկել ֆինանսական և բանկային ոլորտներում հարաբերությունները զարգացնելու համար։

Բանակցություններում, ի թիվս այլ հարցերի, քննարկվել են երկկողմ առևտրից դոլարի և եվրոյի վերացման և ազգային արժույթներին անցնելու հետ կապված քայլերը։