Ձեր վստահելի աղբյուրը

Աբխազիան պատրաստ է իր նավահանգիստները տրամադրել Ռուսաստանի համար «գորշ ներմուծման» կատեգորիայի ապրանքների ներմուծման համար՝ շրջանցելով Արևմուտքի կողմից սահմանված պատժամիջոցները։ Լուրը փոխանցում է newsgeorgia-ն։

Այս մասին Ուֆայում հայտարարել է Աբխազիայի նախագահ Ասլան Բժանիան Բաշկիրիայի կառավարությունում կայացած հանդիպման ժամանակ։
։
«Աբխազիան ճանաչել են մի որոշ քանակի պետություններ, մեզ համար ամենակարևորն այն է, որ Ռուսաստանն է մեզ ճանաչել։ Ոչ մի պատժամիջոցներից մենք չենք վախենում, դրանք երբեք չեն չեղարկվել մեր նկատմամբ։ Ընդհակառակը՝ այս դժվարությունները մեզ կմերձեցնեն»,- նշել է Բժանիան։

Սուխումիի ղեկավարն ընդգծել է, որ «զուգահեռ ներմուծումներ իրականացնելու համար» Աբխազիան կարող է օգտագործել իր տարանցիկ հնարավորությունները. երկու նավահանգիստ և մուտք դեպի այլ երկրներ։

ԱՄՆ-ը, ԵՄ-ն, Մեծ Բրիտանիան, ինչպես նաև մի շարք այլ երկրներ պատժամիջոցներ են սահմանել ռուս ֆիզիկական և իրավաբանական անձանց նկատմամբ Ռուսաստանի Ուկրաինա ներխուժումից հետո։
Մայիսին Ռուսաստանի Դաշնության արդյունաբերության և առևտրի նախարարությունը հրապարակեց ավելի քան 50 կատեգորիաների ապրանքների ցուցակ, որոնք հասանելի կլինեն «զուգահեռ ներմուծման» համար, այսինքն՝ ներմուծումը երկիր կկատարվի առանց արտադրողներին ծանուցելու՝ շրջանցելով պատժամիջոցները։

Ցանկում ներառված են տարատեսակ առարկաներ՝ բույսերից մինչև դեղամիջոցներ, օճառից մինչև զենք։ Վերջերս թարմացված ցուցակում ընդգրկվել են Siemens-ի տուրբինները, BMW-ի արտադրանքները և Lego կոնստրուկտորները։

Վերջերս Միացյալ Նահանգներում կազմել են ցուցակ՝ բաղկացած 18 պետություններից, որոնք տեսականորեն  կարող են օգնել Մոսկվային շրջանցել Արևմուտքի պատժամիջոցները: Դրանք են Հայաստանը, Վրաստանը, Ղազախստանը, Ղրղզստանը, Տաջիկստանը, Ուզբեկստանը, ինչպես նաև Չինաստանը, Թայվանը, Թուրքիան, Բրազիլիան, Հնդկաստանը, Իսրայելը, Մեքսիկան, Սերբիան, ԱՄԷ-ն, Հարավային Աֆրիկան, Նիկարագուան և Սինգապուրը։