Ձեր վստահելի աղբյուրը

Եվրոպական պատժամիջոցները իրենց չարդարացրեցին. Հունգարիայի վարչապետի գնահատականը փոխանցում է tvzvezda-ն։

Օրբանի կարծիքով՝ ՌԴ-ին զսպելու քաղաքականությունը հակառակ արդյունք ունեցավ, որը Եվրոպան արդեն զգում է իր վրա։

«Ճիշտն ասած՝ ես սկզբում մտածում էի, որ մենք պարզապես կրակել ենք մեր ոտքին, բայց հիմա թվում է, որ եվրոպական տնտեսությունը կրակել է իր թոքերին ու դրա համար է այն ամենուր խեղդվում»,-  ասել է Օրբանը ռադիո  Kossuth-ի եթերում։

Հունգարացի վարչապետը զգուշացրել է սպասվող տնտեսական անկման մասին և խորհուրդ տվել խնայել աշխատանքը, եթե այն ունեն։ 

ԵՄ իշխանությունները հետևողականորեն ընդունել են  պատժամիջոցների 6 փաթեթ, որից վերջինը նավթ ու գազի տարանցման արգելք էր ներառում։ Սա ԵՄ-ում տնտեսական ճգնաժամի հանգեցրեց և թռիչքաձև բարձրացրեց էներգակիրների գինը։ 

Հունգարիան ԵՄ այն քիչ երկրներից է, որ ի սկզբանե հավասարակշռված քաղաքականություն վարեց պատժամիջոցների հետ կապված։  Մինչ այս հայտարարություն՝ հունգարական իշխանությունները զգուշացրել էին, որ չեն աջակցելու ռուսական գազի վրա հնարավոր էմբարգոն։