Ձեր վստահելի աղբյուրը

«Դիմադրության» շարժման հանրահավաքի մասնակիցները երևանյան կենտրոնական փողոցներով երթ են իրականացնում՝ վանկարկելով «Նիկոլ մարդասպան», «դավաճան հեռացիր»։

Հանրապետության հրապարակում ԱԺ «Հայաստան» խմբակցության պատգամավոր Արեգնազ Մանուկյանն ասաց, որ այսօր բոլորի աչքի առաջ տեղի է ունեցել հերթական սպանությունը։

«Բոլորիս աչքի առաջ Նիկոլ Փաշինյանը սպանեց հերթական հային։ Այդպես շարունակվելու է այնքան ժամանակ, մինչև մենք այդ արյունարբուի ձեռքը չենք բռնել։ Փաշինյանը սերիական մարդասպան է, հաճույք է ստանում հայի արյուն տեսնելուց։ Նիկոլ Փաշինյանի ձեռքը պետք է բռնել»,- ասաց ընդդիմադիր գործիչը։

Երթի մասնակիցները Կենտրոնի դատարանի դիմաց ծաղիկներ դրեցին, մոմեր վառեցին ի հիշատակ Արմեն Գրիգորյանի։ Հենց այդ դատարանում այսօր դատական նիստի ընթացքում մահացել է պրոդյուսեր Արմեն Գրիգորյանը։