Ձեր վստահելի աղբյուրը

«Հրապարակ» թերթը գրում է.

««Արմեն Գրիգորյանն իմ ճանաչած մարդկանցից ամենաբարձր արժանապատվությունն ունեցող մարդկանցից էր։ Երբ խոսում էինք իր առողջության մասին, մեզ ասում էր՝ լսեք, հիմա մեզնից ո՞վ է բժիշկը, ե՞ս, թե՞ դուք։

Արմեն Գրիգորյանը բժշկական կրթություն ուներ և ասում էր, որ ինքն իր բուժմամբ զբաղվում է... Նա մեզ այդպես էլ թույլ չտվեց դատարանում ու այլ մարմիններին բարձրաձայնել այդ խնդրի մասին»,- երեկ հանրահավաքում ասել է Արմեն Գրիգորյանի պաշտպան Ռուբեն Մելիքյանն՝ անդրադառնալով պրոդյուսեր Արմեն Գրիգորյանի մահվանը։

«Գրիգորյանն ասում էր՝ հանկարծ չստացվի այնպես, որ խոսեք իմ առողջականի մասին, իսկ մարդիկ մտածեն, թե դիտավորյալ ենք խոսում, որպեսզի ես պատասխան չտամ։ Ասում էր, որ եթե մեղավոր է, պատրաստ է իր ցանկացած խոսքի համար պատասխան տալ։ Ասում էր նաև, որ գիտակցում է, որ քաղաքական հետապնդման է ենթարկվում, ասում էր` ինքը մինչև վերջ պատվով տանելու է դա»,- ասաց նա»։

Մանրամասները թերթի այսօրվա համարում