Ձեր վստահելի աղբյուրը

Բարձր ջերմային ֆոնով պայմանավորված՝ վերջին շաբաթվա ընթացքում հրդեհների աննախադեպ աճ է գրանցվել։ Նախորդ տարվա  նույն ժամանակահատվածի համեմատությամբ՝ հրդեհների դեպքերը 34 տոկոսով ավելացել են. եթե նախորդ տարի գրանցվել էր 169 դեպք, այս տարի՝ 277 դեպք: Ասուլիսում ասաց  փրկարար ծառայության ճգնաժամային  կառավարման ազգային կենտրոնի պետ Արսեն Մկրտչյանը:

Նա նշեց, որ հրդեհների մեծ մասը բռնկվել է բուսածածկ տարածքներում:  Նախորդ տարի հուլիսի 1-17 ժամանակահատավում գրանցվել է 98 նմանատիպ հրդեհներ, այս տարի նույն ժամանակահատվածում՝  130։

Դեպքերի մեծ մասը գրանցվել է Երևան քաղաքում, Լոռու, Կոտայքի, Տավուշի մարզերում։ Մինչև օրս զոհեր և տուժածներ չեն գրանցվել։

Փրկարար ծառայության փրկարարական ուժերի վարչության պետի տեղակալ Բագրատ Վարդազարյան ասաց, իրականացնում են հերթապահություն Սյունիքի, Կոտայքի և Արարատի մարզերում. «Ունենք համապատասխան գույք, սարքավորումներ, ուժեր, որոնք պատրաստ են առաջին իսկ հրդեհի դեպքում արագ արձագանքել: Մենք նաև կարող ենք ուղղաթիռով դիմագրավել անտառային հրդեհներին»։