Ձեր վստահելի աղբյուրը

Մեծ Բրիտանիայում աննախադեպ շոգ է՝ Բրայթոնի մարդաշատ լողափեր և բրիտանական օդերևութաբանների առաջին «կարմիր» նախազգուշացումը. երկրի օդերևութաբանական գրասենյակը (Met Office) հայտարարել է «կյանքի համար վտանգ»՝ աննորմալ ջերմաստիճանի պատճառով: Եվրանյուզը գրում է, որ Լոնդոնում շաբաթվա սկզբին առաջին անգամ ջերմաչափը կարող է բարձրանալ մինչև 40 աստիճանի։ Նախորդ ռեկորդը՝ ավելի քան 38 աստիճան, գրանցվել է Քեմբրիջում 2019 թվականի հուլիսի 25-ին։

Եվրոպայում մեկ ամսվա ընթացքում երկրորդ շոգ ալիքի պատճառով մարդիկ են մահանում։ Հանգստյան օրերին Իսպանիայում և Պորտուգալիայում ավելի քան 1000 մահ է գրանցվել՝ կապված ռեկորդային ջերմաստիճանի հետ: Մադրիդում, հենց մայթին, հայտնաբերվել է քաղաքային կոմունալ ծառայությունների մահացած աշխատակցի դին, նա 60 տարեկան էր։

Հարավային Եվրոպայում մոլեգնող հրդեհների պատճառով հազարավոր մարդիկ ստիպված են եղել լքել իրենց տները և տարհանվել։ Իսպանիայի հյուսիս-արևմուտքում հրշեջ է մահացել այրվածքներից։