Ձեր վստահելի աղբյուրը

Կանադայի վարչապետ Ջասթին Թրյուդոն փոխել է իր կերպարը և դարձել ցանցում ծաղրի առարկա։ Գրառումները հայտնվել են Twitter-ում, որտեղ համացանցից օգտվողները ուշադրություն են հրավիրել պետական գործչի սանրվածքի վրա Գատինո քաղաքի այգիներից մեկում նրա այցելության ժամանակ, որտեղ նա երեխաների հետ խոսել է շրջակա միջավայրի և բնության պահպանման կարևորության մասին։

Տեղադրված կադրերում երևում է, որ Թրյուդոն կարճ է կտրել մազերը՝ թողնելով ճակատին ուղիղ մազափունջ։ Վարչապետի այս սանրվածքը գրավել է հանրության ուշադրությունը,  ոմանք նրան համեմատել են դերասան Ջիմ Քերիի հերոսի հետ «Հիմարը և ավելի հիմարը» ֆիլմից։

«Լենտա.ռուն» հավաքել է twitter-ից այդպիսի գրառումների փունջ։  «Թրյուդոն կարծում էր, որ մենք նրան չե՞նք ճանաչի իր հիմար նոր սանրվածքով»: - գրել է, օրինակ, jbg_1979 մականունով օգտատերը։
«Կանադան իսկապես ավելի ու ավելի հիմար է դառնում», - գրել է @WeAreCanProud:
«Թրյուդոն գնացել է Ցուկերբերգի սարսափելի վարսավիրի՞ մոտ։ @bcbluecon համաձայնել է։

Երբ 2021 թվականի հոկտեմբերին Կիմ Չեն Ինը փոխեց սանրվածքը, նրան համեմատեցին Ալ Պաչինոյի հետ։ Հյուսիսային Կորեայի առաջնորդը հետ էր սանրել մազերը և ամրացրել դրանք գելով, դադարել էր սափրվել քունքերը՝ կողքերին թողնելով կարճ մազեր՝ դառնալով «Ալ Պաչինո», ով այդպիսի սանրվածքով  1972 թվականին նկարահանվել էր «Կնքահայրը» ֆիլմում։