Ձեր վստահելի աղբյուրը

«Այս ամենը սկսվել է դեռ 2018 թվականին, երբ մարդկանց ձերբակալում էին, շինծու մեղադրանքներ առաջադրում»,-ասուլիսում անդրադառնալով պրոդյուսեր Արմեն Գրիգորյանի մահվան դեպքին՝ ասաց ՀՀԿ խորհրդի անդամ Տիգրան Վարդանյանը:

Նա մտահոգություն հայտնեց, որ հասարակության մեծ մասն անտարբեր է կատրավող անօրինությունների հանդեպ, և կան մարդիկ, որոնք դեռ գումարներ են փոխանցում Աննա Հակոբյանի հիմնադրամին:

«Մարդիկ մինչև հիմա գումարներ են փոխանցում Աննա Հակոբյանի հիմնադրամի հաշվին և պարզ չէ թե ինչի վրա են դրանք ծախսվում, երևի՝ Աննա Հակաբյանի շրջագայությունների վրա, երևի Նիցցայում ադրբեջանցիների  հետ հանդիպման ժամանակ պատիվ տալու վրա է ծախսվում»,-նկատեց Տիգրան Վարդանյանը:

Բանախոսը հիշեց նաև «Հայոց Արծիվներ. Միասնական Հայաստան» կուսակցության փոխնախագահ, «Haynews.am» լրատվական կայքի պատասխանատու Մհեր Եղիազարյանի՝ բանտում հացադուլի պատճառով մահը, որը նույնպես գործող իշխանությունների անօրինությունների հետևանք էր։

«Իշխանությունները Արմեն Գրիգորյանի, Մհեր Եղիացարյանի և մյուսների մահն էլ են մարսելու, քանի դեռ հասարակությունը լռում է:

Երբ հղի աղջկան մեքենայի տակ են գցել ու սպանել՝ մարսում են, երբ 5000 տղու սպանում են իրենց կողմից հրահրված պատերազմում՝ մարսում են, երբ թուրքերը գալիս են և պղծում Ծիծեռնակաբերդը՝ «Գորշ գայլերի» սիմվոլը ցույց տալով, սրանք լռում ու մարսում են: Իրենք ամեն ինչ մարսում են և մարսելու են այնքան ժամանակ քանի դեռ մենք լուռ հետևում ենք այս ամենին»,-հայտարարեց Տիգրան Վարդանյանը: