Ձեր վստահելի աղբյուրը

Ռուսաստանում գործող մի քանի հրեական կազմակերպություններ վերջերս նամակներ են ստացել Ռուսաստանի Դաշնության արդարադատության նախարարությունից՝ իրենց գործունեության վերաբերյալ նախազգուշացումներով։ Ինչպես հայտնում է ՏԱՍՍ-ը՝ այդպիսի հայտարարություն է արել երկուշաբթի օրը իսրայելական The Jerusalem Post թերթը։

Պարբերականի համաձայն՝ Ռուսաստանի Դաշնության տարածքում գործող մի շարք հրեական կազմակերպություններ հայտնվել են Իսրայելի համար «Սոխնուտ» հրեական գործակալության դիրքորոշման նման իրավիճակում, որը կարող է լուծարվել ՌԴ արդարադատության նախարարության պահանջով։ «ՌԴ նախարարությունից ստացած նախազգուշական նամակները բովանդակությամբ նման են նախկինում «Սոխնուտ»-ին ուղղված նամակներին, գրում է թերթը։

Jerusalem Post-ը չի թվարկում այն կազմակերպությունների անունները, որոնք իբր նախազգուշացումներ են ստացել Ռուսաստանի իշխանություններից, սակայն նշում է, որ այդ կազմակերպությունների աշխատանքը հիմնականում ֆինանսավորվում են ամերիկյան և իսրայելական միջոցներով, և այդ պատճառով նրանք Ռուսաստանում կարող են ճանաչվել որպես օտարերկրյա գործակալներ։ Հրեական մյուս ասոցիացիաները, որոնք գործում են առանց օտարերկրյա ֆինանսավորում ներգրավելու, ըստ պարբերականի, նման նախազգուշացումներ չեն ստացել Ռուսաստանի իշխանություններից և կարող են շարունակել աշխատել սովորականի պես։