Ձեր վստահելի աղբյուրը

Պետական եկամուտների կոմիտեն հայտնում է, որ հարկային մարմնի կողմից հրապարակվել է 2022 թվականի հունվար-հունիս ամիսների ընթացքում առաջին 1000 խոշոր հարկ վճարողների կողմից վճարված հարկերի վերաբերյալ տեղեկատվությունը։

ՊԵԿ տեղեկատվության և հասարակայնության հետ կապերի բաժնից հայտնում են, որ 1000 խոշոր հարկ վճարողների կողմից 2022թ. պետական բյուջե ընդհանուր առմամբ վճարվել է ավելի քան 722 մլրդ 325 մլն դրամ: Հարկային մարմին կատարված վճարումների գումարը կազմել է ավելի քան 613 մլրդ 72 մլն դրամ, իսկ մաքսային մարմին կատարված վճարումների գումարը՝ ավելի քան 109  մլրդ 253 մլն դրամ։

«Լավագույն հազարյակում» են՝ 
առաջին եռյակ՝ 

«Հայաստանի էլեկտրական ցանցերը»՝ 13-րդում, «Հայկական ատոմային էլեկտրակայանը»՝ 23, «Վեոլիա ջուրը»՝ 38, «Հայաստանյայց առաքելական սուրբ եկեղեցին»՝ 564,  Շտապօգնությունը՝ 623,  «Ավանի աղի կոմբինատը»՝ 643,  ՀՀ առողջապահության նախարարության «ինֆեկցիոն հիվանդությունների ազգային կենտրոնը»՝ 650, «Դան-դեսերտը»՝ 980, ...։ 

1001-ում՝ Հայաստանի ազգային արխիվն է։

1000 խոշոր հարկ վճարողների վերաբերյալ ցանկերը հասանելի են ՊԵԿ պաշտոնական կայքի  «Հարկ վճարողների վերաբերյալ տեղեկատվական ցանկեր» բաժնում:

Ցանկը հրապարակվել է հիմք ընդունելով ներկայում գործող ՀՀ կառավարության 23.06.2022թ-ի N928-Ն որոշմամբ սահմանված չափորոշիչները, մասնավորապես, ցանկում ներառված չեն ՀՀ պետական և համայնքային կառավարչական հիմնարկները:

Նախորդ տարվա նույն ժամանակաշրջանի հետ տվյալների համադրելիությունն ապահովելու նպատակով ՊԵԿ-ը նոր մեթոդաբանությամբ հրապարակել է նաև 2021թ. առաջին կիսամյակին վերաբերող ցուցանիշները: