Ձեր վստահելի աղբյուրը

ՊԵԿ-ը հրապարակել է 2022 թվականի հունվար-հունիս ամիսների ընթացքում առաջին 1000 խոշոր հարկ վճարողների վճարած հարկերի վերաբերյալ տեղեկատվությունը։

Վերջին տարիներին բուքմեյքերական գրասենյակներում համացանցով կատարված խաղադրույքներն ավելացել է 6 անգամ, իսկ մասնակիցների թիվը` 3 անգամ և ուշադրության է արժանի նրանց դիրքերը հազարյակի ցուցակում։

Այդ ընկերություններից խոշորագույնը  «Սոֆթ Կոնստրակտը» (Vbet)  խոշոր հարկ վճարողների  ցուցակի 29-րդ հորիզոնականում է 5,1 մլրդ դրամ վճարած հարկով, «Կաբարկո» (Adjarabet) ընկերությունը  34-րդն է 4 մլրդ դրամով: Toto բուքմեյքերական գրասենյակը հանդես է գալիս  «Դիջիթեյն» և  «Դիջիգեյմ» ընկերություններով, համապատասխանաբար  71-րդ հորիզոնականը  712 մլն և 607-րդը  209,6 մլն դրամ հարկերով: 

495-ր հորզոնականում է «Վիվառո մեդիա»-ն  254,6 մլն դրամով:

Ամենուր երևացող Լֆիկը ընդամենը 23-րդն է իր «Ալեքս էնդ հոլդինգ»-ով, որը վճարել է  6,6 մլրդ դրամ հարկ, իսկ 27-րդում «ՍԻԹԻ»-ն է՝ 5,4 միլիարդով:

ՔՊ պատգամավոր Խաչատուր Սուքիասյանը այնուամենայնիվ հետ է Ալեքսանյանից. Նրան փոխկապակցված «Մեգա Թրեյդ» ընկերությունը 52-րդն է 2,6 մլրդ դրամով, թեև՝ իշխանությունները քաղցր են նայում իրենց պատգամավորին: Հիշեցնենք, որ 2021թ․ հոկտեմբերին Պաշտպանության նախարարությունը մոտ 5,5 միլիարդ դրամ արժողությամբ գնման պայմանագիր է կնքել այս ընկերության  հետ։

«Երևանի կոնյակի գործարան» 48-րդն՝  2,8 մլրդ դրամով, «Արարատցեմենտ»-ը  2,8 մլրադով 49-րդ հորիզոնականում է,  իսկ 50-ում «ՎԵՈԼԻԱ Ջուր»-ը՝ 2,7 մլիլիարդով:

Չնայած կառավարության նախաձեռնությամբ և ԱԺ ընդունած օրենքով նախարարությունները հանվեցին հարկ վճարողների ցուցակից, բայց այսօրվա հրապարակած հազարյակի մեջ բազմաթիվ են Առողջապահության նախարարությանը ենթակա կազմակերպությունները:

568-րդ հորզոնականում  ՀՀ առողջապահության նախարարության «Պրոֆ.Ռ.Օ.Յոլյանի անվան արյունաբանական կենտրոն»-ը է 221,4 մլն դրամ հարկով, 662-րդում է ՀՀ առողջապահության նախարարության «Ինֆեկցիոն հիվանդությունների ազգային կենտրոն»-ը 189,8 մլն դրամով, 707-ում՝ ՀՀ ԱՆ «Ակադեմիկոս Ս.Ավդալբեկյանի անվան առողջապահության ազգային ինստիտուտ»-ն է 172,7 մլն դրամով, իսկ 872-րդ հորիզոնականում ՀՀ առողջապահության նախարարության «Թոքաբանության ազգային կենտրոն»-ն է 140 մլն դրամով և այլն:

Խոշոր հարկատուների 714-րդ հորիզոնակնում Բաց հասարակության ինստիտուտի օժանդակության հիմնադրամի հայկական մասնաճյուղն է, որը վճարել է 170,9 մլն դրամ հարկ: