Ձեր վստահելի աղբյուրը

Գիտնականները հայտնաբերել են ավելի քան 30 նոր տեսակի կենդանի արարածներ, որոնք ապրում են ծովի հատակում: Zookeys ամսագրի հրապարակումը ներկայացնում է «Գազետա ռու»-ն:

Մեծ Բրիտանիայի Բնական պատմության թանգարանի հետազոտողները օգտագործել են հեռակառավարվող ռոբոտային մեքենա՝ Խաղաղ օվկիանոսի կենտրոնական Քլարիոն-Քլիպերթոն գոտու իջվածքներից նմուշներ հավաքելու համար: Մինչ այդ գիտնականները պետք է բավարարվեին միայն նման տարածքներից կենդանի էակների լուսանկարներով։

Հայտնաբերված 55 նմուշներից 48-ը պատկանել են տարբեր տեսակների։ Հայտնաբերված կենդանիների թվում են անելիդները, ինչպես նաև մեդուզաների և մարջանների ընտանիքի այլ անողնաշարավորներ: 36 նմուշ հայտնաբերվել են 4800 մետրից ավելի խորություններում, երկուսը` ստորջրյա լեռան լանջին` 4125 մ խորության վրա, իսկ 17-ը` 3095-ից 3562 մ խորությունում:

«Այս ուսումնասիրությունը կարևոր է ոչ միայն հայտնաբերված պոտենցիալ նոր տեսակների քանակի պատճառով, այլ նաև նրա, որ կենդանական աշխարհի այս նմուշները նախկինում ուսումնասիրվել են միայն լուսանկարներից: Առանց նմուշների և դրանցում պարունակվող ԴՆԹ տվյալների մենք չենք կարող ճիշտ նույնականացնել կենդանիներին և հասկանալ, թե որ տարբեր տեսակներն են նարկայացնում»,-մեկնաբանել են հեղինակները:

Գիտնականները կարծում են, որ իրենց հայտնագործությունները հարցականի տակ է դնում ծովի հատակի հանքարդյունահանման գործընթացը: Տնտեսության այս ուղղությունը ակտիվորեն զարգանում է, և կենսաբանների համար կարևոր է, որ այն չվնասի կենդանի էակների ապրելավայրերին։