Ձեր վստահելի աղբյուրը

russia-artsakh.ru կայքը «ՏԱՍՍ-ն իրավասու է խեղաթյուրել» վերնագրով հոդվածում գրում է.

«ՏԱՍՍ-ի հաղորդագրությունները հակասում են ՌԴ պաշտպանության նախարարության հայտարարությանը:

Բաքվի ռեժիմի հերթական ագրեսիան Լեռնային Ղարաբաղի Հանրապետության դեմ, որը տեղի ունեցավ օգոստոսի 3-ին, հստակ ցույց տվեց, թե ռուսական որ լրատվամիջոցներն ինչպես են լոբբինգ անում Ադրբեջանի դիրքորոշումը։

Առաջին տեղում, իհարկե, ՏԱՍՍ-ն է, որը տարածում է իրադարձությունների վերաբերյալ բացառապես Բաքվի տարբերակը՝ իր բոլոր քարոզչական երանգներով։

«Ահա թե երեկ՝ օգոստոսի 3-ին, ժամը 13:00-ին ինչ է հայտնել է ՌԴ դաշնային  ՏԱՍՍ գործակալությունը ( https://tass.ru/mezhdunarodnaya-panorama/15381131):

«Բաքուն Ղարաբաղում տեղի ունեցած միջադեպը համարել է Երևանի կողմից եռակողմ համաձայնագրի խախտում.

«Ադրբեջանի ԱԳՆ-ն զինվորի մահվան պատճառ դարձած միջադեպի պատասխանատվությունը դրել է Հայաստանի քաղաքական և ռազմական ղեկավարության վրա, որը «դեռևս ապօրինի զինված կազմավորումները դուրս չի բերել ադրբեջանական տարածքներից»։

Բաքու, 3 օգոստոսի. /ՏԱՍՍ/. «Ադրբեջանի արտաքին գործերի նախարարությունը Ղարաբաղում տեղի ունեցած միջադեպը, որը հանգեցրել է ադրբեջանցի զինծառայողի մահվան, գնահատել է որպես Հայաստանի կողմից եռակողմ պայմանավորվածությունների կոպիտ խախտում և միջազգային միջնորդական ջանքերի նկատմամբ Երևանի անհարգալից վերաբերմունք»։

«Օգոստոսի 3-ին տեղի ունեցած արյունալի միջադեպը ևս մեկ անգամ ցույց է տալիս Հայաստանի կողմից եռակողմ համաձայնագրի (2020թ. նոյեմբերի 9/10) կոպտագույն խախտումը, ինչպես նաև վնասում է երկու երկրների հարաբերությունների կարգավորմանն ուղղված ջանքերին։ Այն նաև Հայաստանի կողմից միջազգային միջնորդների ջանքերի նկատմամբ անհարգալից վերաբերմունքի ցուցիչ է»,-ասվում է ԱԳՆ չորեքշաբթի տարածած հաղորդագրության մեջ։

Ինչպես տեսնում եք, ՏԱՍՍ-ի հաղորդագրությունները պարունակում է Ազերպրոպագանդայի ամբողջական փաթեթ՝ և՛ Բաքվի կողմից սանձազերծած բախումների էության կեղծ ներկայացում, և՛ «ապօրինի զինված կազմավորումների» մասին ավանդական մուղամներ և այլն։

Մինչդեռ ՌԴ ՊՆ-ն, որի ներկայացուցիչները խաղաղապահ կոնտինգենտի զինծառայողներ են և, միանշանակ, ավելի տեղյակ են իրավիճակից, քան Բաքվի գրասենյակներում նստածները, զինվորականին հարիր, հստակ և հակիրճ հայտարարեցին, թե ով է ագրեսորը։

«Պաշտպանության նախարարությունը հայտնել է Լեռնային Ղարաբաղում հրադադարի ռեժիմի խախտման մասին» տեղեկության մեջ (https://ria.ru/20220803/minoborony-1807072056.html) ասվում է.

«Ադրբեջանի զինված ուժերը խախտել են հրադադարի ռեժիմը Լեռնային Ղարաբաղի հակամարտության գոտում՝ Սարիբաբի բարձունքի շրջանում»,-ասվում է ՌԴ ՊՆ խաղաղապահների գործունեության մասին տեղեկագրում։

Այսպիսով, ՏԱՍՍ-ը կրկին իրեն դրսևորեց որպես ալիևյան շփոթ։ Փա՛ռք Գուսմանին։

Բաքվի այլ լրատվամիջոցների լոբբիստների մասին, թե ինչպես են նրանք լուսաբանել ու շարունակում լուսաբանել Ալիևի ռեժիմի նոր ագրեսիան, կխոսենք ավելի ուշ»։