Ձեր վստահելի աղբյուրը

Կառավարությունն այսօր չզեկուցվող նախագծերի փաթեթում ընդգրկված հարցերից մեկով համաձայնություն կտա Հանրային հեռարձակողի խորհրդի նախագահի  առաջարկությանը և կհրաժաևվի բյուջե մուտքագրել  Հանրային հեռուստաընկերության 308,6 մլն դրամ շահութաբաժինը:

Գործադիրը նախագծի ընդունման անհրաժեշտությունը կապում է «Հայաստանի հանրային հեռուստաընկերություն» ՓԲԸ-ի բնականոն գործունեության ապահովման համար «Առաջին» լրատվական հեռուստաալիքի կապիտալ ներդրումների իրականացման անհրաժեշտությամբ։

Նախագծի հիմնավորման մեջ ասվում է. «Հանրային հեռարձակողի խորհրդի նախագահի կողմից ներկայաց-ված հաշվետվական փաթեթի տվյալների համաձայն՝ արձանագրվել է Ընկերության 2021թ. գործունեության արդյունքներով ձևավորված շահութաբաժնի հաշվարկման բազա, և առաջացել է Ընկերության կողմից հաշվետու տարվա գործունեության արդյունքներով ՀՀ 2022թ. պետական բյուջե վճարման ենթակա շահութաբաժնի պարտավորություն՝ 308,664.7 հազ. դրամի չափով:

Հանրային հեռարձակողի խորհրդի նախագահի կողմից ՀՀ վարչապետի աշխատակազմ է ներկայացվել վերը նշված շահութաբաժինը չվճարելու առաջարկություն` «Առաջին» լրատվական ալիքի «Լուրեր» լրատվական թողարկումների և հասարակական-քաղաքական ուղղվածության հաղորդաշարերի նկարահանման տաղավարների տեխնիկական վերազինման ու դեկորացիաների ձեռքբերման համար, որի իրականացման անհրաժեշտությունը պայմանավորված է մի շարք հանգամանքներով»: