Ձեր վստահելի աղբյուրը

Կառավարությունն այսօրվա նիստում, չզեկուցվող նախագծերից մեկով,  Դատախազությանը կվերադարձնի վերջինիս տնտեսած 25.1 մլն դրամը՝ գույք և տեխնիկա գնելու համար:

Գործադիրն իր որոշման հիմնավորման մեջ ասում է. «Նախագծի ընդունումը պայմանավորված է «Հայաստանի Հանրապետության վարչապետի 2018 թվականի հունիսի 11-ի N 706-Ա և 2018 թվականի սեպտեմբերի 18-ի N 1222-Ա որոշումներում փոփոխություններ կատարելու մասին» ՀՀ վարչապետի 2022 թվականի հունիսի 8-ի N 653-Ա որոշմամբ՝ ՀՀ դատախազության հաստիքների թվաքանակի 20-ով ավելացմամբ, ինչպես նաև ՀՀ դատախազությունում  առկա հիմնական միջոցների ոչ բարվոք վիճակով պայմանավորված՝ աշխատակիցներին գրասենյակային գույքով և տեխնիկայով ապահովելու համար:

Նախագծով առաջարկվում է «Հայաստանի Հանրապետության վարչապետի 2018 թվականի հունիսի 11-ի N 706-Ա և 2018 թվականի սեպտեմբերի 18-ի N 1222-Ա որոշումներում փոփոխություններ կատարելու մասին» ՀՀ վարչապետի 2022 թվականի հունիսի 8-ի N 653-Ա որոշմամբ պայմանավորված, ՀՀ դատախազության աշխատակիցների համար գրասենյակային գույք և տեխնիկա ձեռք բերելու նպատակով՝ Հայաստանի Հանրապետության դատախազության 2022 թվականի կայացած մրցույթների արդյունքում տնտեսած միջոցների հաշվին հատկացնել 25,127.5 հազ. դրամ»։