Ձեր վստահելի աղբյուրը

«Ներկա դրությամբ, իմ բացակայությունը ես համարում եմ միանգամվա թյուրիմացություն»,-հրավիրված մամուլի ասուլիսում հայտարարեց ՀՀ ԱԳ նախկին նախարար «Ժառանգություն» կուսակցության հիմնադիր Րաֆֆի Հովհաննիսյանը:

Ակնարկելով փաստը, որ արգելվել է իր մուտքը Արցախի հանրապետություն՝ Նա հույս հայտնեց, որ մինչև սեպտեմբերի 1-ը՝ Արցախի պետական տոնի նախօրեն, Արցախի իշխանությունը, գեներալ-մայոր Վոլկովը, ՀՀ ԱԱԾ-ն կգտնեն իրենց լիազորությունները, արժանապատվությունը և կվերականգնեն իր բացառիկ իրավունքը՝ լինելու Արցախի տարածքում և ինչպես ամեն տարի, այս տարի էլ մասնակցելու է ԱՀ հռչակման տոնակատարությանը:

«Մի կողմ դնենք, որ ես ՀՀ նախկին արտաքին գործերի նախարար եմ, Հայաստանի ինքնիշխանության, պետականության, հայկական հարցի ծառայության իմ հաշվեկշիռն իմ ու աստծու միջև է, այն հրապարակման ենթակա չէ, բայց որպես ՀՀ քաղաքացի և հայ մարդ, իմ բացառիկ իրավունքն է լինել մեր հայրենիքում՝ Արցախի հանրապետությունում»,-հայտարարեց Րաֆֆի Հովհաննիսյանը և հավելեց. «Ես թաքնվելու խնդիր չունեմ և ակնկակում եմ, որ Աղավնոն, միջանցքն իր տեղում կլինեն և պետկան մարմիններն, Արցախի բարձրագույն իշխանությունը, գեներալ-մայորը կվերականգնեն հայերի բացառիկ իրավունքը»:

Հայտնելով, որ Հայաստանը ակնհայտորեն այլևս չուն գերագույն գլխավոր հրամանատար և ապրում է աննախադեպ լարված և պատասխանատու ժամանակաշրջան՝ բանախոսն հայտարարեց, որ  բոլոր քաղաքական ուժերը և խմբերը պետք է լինեն խիստ պատասխանատու, հաղթահարեն ներքին տարաձայնությունները, հայհոյախոսությունը, ցավը և գտնեն քաղաքական նոր լուծում:

Հովհաննիսյանը կարծիք հայտնեց, որ կորցրել ենք Արցախը, հետո կորցնելու ենք Գեղարքունիքը, Սյունիքը, Արարատը, ինչը նկատելի է և նման բան չի հայտարարում՝ լինելով դեմ մեկ մադու, նրա ընտանիքի դեմ, քանի որ եղել են պայքարակից:

«Սա խղճի պոռթկում է, առարկայական վերլուծություն, և մենք ազգովի պետք է լուծում գտնենք այդ իրավիճակին»,-ասաց ՀՀ ԱԳ նախկին նախարարը:

Հայտարարելով, որ համաձայն չէ Փաշինյանի այն հատարարության հետ, թե կատարվածը օրինաչափություն է եղել՝ Րաֆֆի Հովհաննսիյանը հավելեց. «Հայրենքի հանձնում, 4000 զոհեր՝ նաև խաղաղության օերին,  որ ուղարկել էինք մեր տղերքին՝ Վահան Բաբայանին, Ռուդիկ Ղարիբյանին, Արթուր Մխիթարյանին, ամիսներ անց՝ Դավիթ Վարդանյանին, Հրաչ Փիլիպոսյանին, վերջերս էլ՝ Պալյան Պողոսյանին կամ Սոնա Մնացականյանին… Կարծում ե՞ք կապ չկա նրանց միջև: Դրանք կապված են մի մեթոդաբանությամբ»:

Նա օրինաչափ չհամարեց, որ տասնամյակներ շարունակ պայքարել են քաղբանտարկյալների, կրթությունը կուսակցականացնելու դեմ, իսկ նոր իշխանության օրոք այդ ինստիուտները խորացվում են:

«Եղբարյության, ընտանիքների կոռուպցիայի դեմ էինք պայքարում, իսկ նոր իշխանության օրոք այդ ինստիտուտը  խորացվում է և ընդարձակվում»,-ասաց նա՝ անընդունելի համարելով նաև սփյուռքի ներկայացուցիչների վթարվումը երկրից:

«Օգոստոսի 8-ին ես կլինեմ Հանրապետության Հրապարակում»,-իր նոր պայքարի մասին հայտարարեց Հովհաննիսյանը՝ մինչ այդ հրապարակելով ազգային համաձայնության խորհրդի՝ իր ձևավորած 4 ցուցակից մեկը:

Րաֆֆի Հովհաննիսյանը նաև ներկայացրեց 44-օրյա պատերազմին նվիրված գիրքը, որը երեք լեզվով հրատարակել է իր որդին՝ Կարին Հովհաննիսյանը՝ իր «Ստեղծարար Հայաստան» հիմնադրամի միջոցով: