Ձեր վստահելի աղբյուրը

Կլիմայագետները Ալյասկայի ափերի մոտ սառցե շերտի տարածքի զգալի կրճատում են գրանցել։ Այս մասին հայտնում է ՏԱՍՍ-ը։

Գիտնականները այն պարզել են՝  համեմատելով սառցե շերտի տարիների լուսանկարները: 1984 թվականի համեմատ՝ Kenai Fjords National Park-ի 19 սառցադաշտերից 13-ը փոքրացել են 68%-ով, մինչդեռ դրանցից միայն երկուսն են մեծացել: Ամենաշատը տուժել են Բեր և Պեդերսեն սառցադաշտերը, որոնք հետ են քաշվել իրենց հարևան լճերի ափերից 5 և 3,2 կիլոմետրով և կորցնելով համապատասխանաբար 17,2 և 4,3 քառակուսի կիլոմետր տարածք։

«Ալյասկայի սառցադաշտերի տարածքում գրեթե բոլոր փոփոխությունները կապված են գլոբալ տաքացման հետ: Ինչպես ենթադրում ենք, այս դեպքում սառցե զանգվածների սահմանների նվազման մեղավորը եղել է ոչ միայն օդի ջերմաստիճանի բարձրացումը, այլև ձմեռային անձրևների ավելացումը, ինչը, ընդհանուր առմամբ, համապատասխանում է հյուսիսի այլ շրջաններում դիտարկվող երևույթներին»,-հայտնել են գիտնականները՝ մեկնաբանելով դիտարկումները:

Ընդ որում, ընդհանուր առմամբ ընդունված է, որ գլոբալ տաքացման ժամանակ առաջին հերթին տաքանում են հյուսիսային շրջանները։ Երկրի որոշ բևեռային շրջանների միջին տարեկան ջերմաստիճանն արդեն 4-9 աստիճանով բարձր է անցյալ դարերի համեմատ։ Սա վտանգավոր է ոչ միայն սառցե օվկիանոսի մակարդակի բարձրացման, այլև հավերժական սառույցի մեջ թակարդված մեթանի՝ հզոր ջերմոցային գազի արտանետման պատճառով:

Ձմեռային անձրևների մեկնարկով Ալյասկայի սառցադաշտերի տարածքը էլ ավելի կփոքրանա: