Ձեր վստահելի աղբյուրը

Դուք տեսե՞լ եք, թե նոյեմբորի 9-ից հետո ինչքան տարածք է ռուսն հանձնել Ադրբեջանին,- հարցադրեց ադրբեջանագետ Արմինե Ադիբեկյանը՝ «Հայելի» ակումբում անդրադառնալով ռուս խաղաղապահների գործողություններին, Փաշինյանի վերջերս հնչեցրեած մեղադրանքներին։

«Եղբա՛յր, ռուսներին, ո՞վ է բերել, ո՞վ է ստորագրել, որ ռուսը գա Արցախ:

Երբ ես գոռում էի, որ ուրիշին չի կարելի այստեղ բերել, մեզնից լավ ոչ մեկը չի կարող պաշտպանել, ես լավ գիտեի, թե ինչ էի ասում:

Գիտեի, որ ռուսը հատ-հատ հանձնելով գնալու է, դուք տեսե՞լ եք թե նոյեմբորի 9-ից հետո ինչքան տարածք է ռուսն հանձնել Ադրբեջանին, ու շարունակելու է զիջել: Եթե ձեզ թվում է թե ձեր տեղը ռուսը ձեզ պաշտպանելու է՝ չարաչար սխալվելու եք, ռուսն այլ առաջնահերթություններ ունի՝ Ուկրաինա, Սիրիա,... և եթե իրեն պետք լինի՝ Արցախի վրա բանտիկներ կփաթաթի կհանձնի: Արցախում երկրորդ ճակատ չի լինի:

Ադրբեջանը որոշեց՝ կգրավի Արցախը և ռուսը ոչինչ չի անի: 

Նորից եմ կրկնում գնացեք նայեք, թե այս ընթացքում ինչքան ենք կորցրել Արցախում: Ռուսը գնում է, բանակցում, բայց արդյունքում ոչինչ չի փոխվում: Ասում է՝ կողմերը հետ են քաշում դիրքերը, հայակական կողմը հետ է քաշում, ադրբեջանցին առաջ է գալիս ու այսպես շարունակ:

Նորից եմ կրկնում, Նիկոլ Փաշինյա՛ն, ռուս խաղաղապահներին ո՞վ է բերել, որ նրանք էլ այսօր մեղավոր են: Դու չէի՞ր, ինչո՞ւ ես քո մեղքը բարդում ռուս խաղաղապահների վրա: Ռուս խաղաղապահները պարտավոր չեն մեր շահերը պաշտպանեն նրանք պաշտպանելու են իրենց պետության, ժողովրդի և իշխանության շահերը»։

Խաղաղապահների թեման Ադիբեկյանը հանգեցրեց իրականությանը, որ այժմ Հայաստանն է հրաժարվել Արցախից. «Եթե այն ժամանակ (1991թ. - խմբ.) Արցախի թիկունքին կար Հայաստանը և մեկ բռունցք դառած հայ ժողովուրդը, ապա հիմա անգամ Հայաստանն է դավաճանել Արցախին և այն է ամենասարսափելին»։

«Գնում եմ Մեղրի… Խաղաղապահն ի՞նչ գործ ունի  Հայաստանի տարածքում, օտարերկրյա զինվորականին ես ինչո՞ւ  պետք է ցույց տամ փաստաթուղթ ճանապարհորդելով իմ սեփական երկրով»,- հարցրեց Ադիբեկյանը և կոչ արեց, որ ՀՀ քաղաքացիները իրենք պաշտպանեն իրենց իրավունքները՝ ցույց տան, թե ինչ փաստաթղթի հիման վրա են փաստաթուղթ պահանջում։

Ադրբեջանագետի խոսքով, վաղը, մյուս օրն «այդ տղեն» իր զենք հավաքելու է,  գնա ու իր տեղը բերելու է թուրքին, քանի որ այդտեղ ներդրվելու է թուրքական կապիտալ. «Ռուսը գնալու է, իր տեղը զիջի թուրքին, որովհետև թուրքն ու Ռուսաստանը հիմա լուրջ էներգետիկ ու առևտրային պայմանագրեր են կապում իրեր մեջ»։