Ձեր վստահելի աղբյուրը

«Արսեն Թորոսյան, դու 11 հազար  հոգու գլուխ ես կերել, բայց մահից ու կյանքի արժեքի՞ց ես խոսում, տղա՛ ջան։ Խնդիրն այն է, որ արժեքներից խոսում են մարդիկ, որոնք չունեն բացարձակապես ոչ մի բարոյական հիմք։ Բարոյականությունից զուրկ մարդիկ խոսում են վեհ արժեքներից։

Ես ընտրում եմ Արսեն Թորոսյանի մահը, քանի որ եթե Թորսյանը և նրա նմանները չլինեին  մենք կկարողանանք ինքնակազմակերպվել և հաղթել: Տղա՛ ջան, մահից բացի կա հաղթանակ, ասեմ իմանաս:  Քանի կա Նիկոլ Փաշինյանը և նրա գաղափարախոսությունը կրող անձինք, մենք տալու ենք»,-մամուլի աուլիսում հայտնեց ադրբեջանագետ Արմինե Ադիբեկյանը:

Անդրադառնալով Րաֆֆի Հովհաննսիյանին և ՀՀ այլ քաղաքացինեին և լրագրողներին Արցախ մուտքն արգելելու դեպքերին՝ բանախոսն հայտարարեց, որ իրենց ձեռք չի տալիս, որ Արցախ գնան այնպիսի անհատներ, որոնք նպատակ ունեն ոտքի հանելու արցախցիներին:

Նա մտահոգություն հայտնեց, որ հենց Արցախի հանրապետության քաղաքացիներին կարող է չթողնեն վերադառնալ Արցախ, քանի որ իր ծանոթներից շատերն իրեն ասում են, որ չեն գալիս ՀՀ, քանի որ մտավախություն ունեն, որ հետագայում իրենց հնարավոր է չթողնեն վերադառնալ Արցախ:

«Իրենց պետք է Արցախում քնացնեն իրավիճակը, բոլորին թմրեցնեն և մի օր ասեն՝ բոլորդ կգաք հայկական անձնագրերը կհանձնեք, դուք այլևս Ադրբեջանի քաղաքացիներ եք: Արցախը կոնկրետ շրջափակման մեջ է մենք հասել ենք 1991 թվականի իրավիճակին, բայց եթե այն ժամանակ Արցախի թիկունքին կար Հայաստանը և մեկ բռունցք դառած հայ ժողովուրդը, ապա հիմա անգամ Հայաստանն է դավաճանել Արցախին և այն է ամենասարսափելին»,-նկատեց Ադիբեկյանը:

Ընտրողների ուսերին կանգնած է մի կառույց, որը ամերիկաների բասեիններում չոփչոփիկներ է անում երեխաների հետ այս բարդ շրջանում

Նրա կարծիքով՝ նման բարդ իրավիճակում արձակուրդները վայելելու Փաշինյանի քայլերի մասին պետք է մտածի հենց իրեն ձայն տված ընտրազանգվածը, որն ինչպես եղել է թշվառ այնպես էլ մնացել է այդպիսին՝ ի տարբերություն Փաշինյանի ընտանիքի, որը վայելում է իշխանության բարիքները

«Նրանց ուսերին կանգնած է մի կառույց, որը ամերիկաների բասյիններում չոփչոփիկներ է անում երեխաների հետ այս բարդ շրջանում: Մենք ունենք մի խնդիր՝ ազատվել այս իշխանություններից՝ լավով թե վատով: Չեմ կարծում, որ Բերձորի սրացումների ժամանակ նա կթողներ արձակուրդը և կգար ժողովրդին ինչ-որ բան բացատրելու, ոչ, նա դրա համար չի նշանակվել վարչապետ, այլ նրա համար որ թուղթը տան՝ ստորագրի:

Վերջերս Բրայզան պարզ հայտարարեց, որ Փաշինյանը որոշակի պարտավորություններ է ստանձնել, որոնք եթե չանի, ապա խնդիրներ կունենա ներսում և դրսում, քանի որ նա դրսում էլ շատ թույլ է, հտևաբար դիմացը ինչ դնեն՝ ստորագրելու է»:

Եթե ձեզ թվում է, որ սեպտեմբերի 2-ին ժողովրդին կհավաքեք «Սատկի նիկոլ» կարգախոսով և իրավիճակ կփոխվի, սխալվում եք

Անդրադառնալով ընդդիմադիր շարժման գործողություններին՝ փորձագետն ասաց. «Իշխանափոխությունը գիտություն է, տեխնոլոգիաներ են, երգն ու պարն իր տեղն ունի, երթը՝ իր, զինված ապստամբությունն էլ իր: Սա ընթացք է, և այդ ոլորտում հայտնի մասնագետներ կան որոնց թվին ես չեմ դասվում, բայց ես գիտեմ, թե ինչ անել իշխանափոխության համար: Այդ ուղիները և մարդկանց հետ աշխատելը նեղ մասնագիտական ոլորտ է, փող ածխսե՛ք, հրավիրեք մասնագետներին, իրենք այդ ամեն ինչը կկազմակերպեն: Եթե չեք ուզում փող ծախսեք և ռեսուրս ներդնեք և եթե ձեզ թվում է, որ սեպտեմբերի 2-ին ժողովրդին կհավաքեք «Սատկի նիկոլ» կարգախոսով և իրավիճակ կփոխվի, սխալվում եք: Հրավիրեք նեղ մասնագետներ և նրանք կարճ ժամանակահատվածում կկազմակերպեն իշխանափոխությունը, այնպես՝ ինչպես արվեց Նիկոլ Փաշինյանի համար: Վերջինիս համար աշխատում էին նեղ մասնագիտացված անձինք:Ուզում եք սեպտեմբերի 2-ին հավաքվենք՝ կհավաքվենք, բայց իշխանափոխությունն այդպես չի արվում, այն տեխնոլոգիա է: եթե ընդդիմությունը գիտի այդ մասին և չի անում ապա ես ոչ մի լավ բան չեմ կարող ասել այդ մարդկանց մասին»:

Ես ունեմ լավ լուր, որ սեպտեմբերից ռեպրեսիաներն ավելի թափ են հավաքելու

Արմինե Ադիբեկյանն անդրադարձավ նաև հիմնադրամների միջոցով գործարարներին և հայտնի դեմքերին ռեկետ անելու Փաշինյանի ընտանեկան գործունեությանը. «Ռեկետը նրանց ընտանեկան գործելաոճն է: Տարիներով գործարարներին ասել են, որ եթե նրանք այս կամ այն բանը չանեն, ապա վատ բան են գրելու նարնց մասին: Բայց ես ունեմ լավ լուր, որ սեպտերմբերից ռեպրեսիաներն ավելի թափ են հավաքելու, որն Ադրբեջանի և Թուրքիայի պահանջն է: Դուք նկատե՞լ եք, թե նրանք ինչքան են անդրադառնում հականիկալական ընդդիմադիր շարժմանը: Այն նրանց նյարդերի վրա ազդում է: Ալիևն այդ իմաստով ունի լավ փորձ ՝ բոլոր հակաիլհամական ուժերին ձրբակալում էր, խոշտանգում, հետո վաճառում Եվրոպայի վրա՝ ասելով՝ փող կտաս, համապատասխան արձանագրություն կընդունես կամ չես ընդունի, բաց կքողնեմ: Վստահաբար, Բաքուն ու Անկարան դրդում են Փաշինյանին, որ նա ընդդիմադիրների ձայնը կտրի,ասելով՝ քանի որ դու թուլ ես, տկար ես և կա վտանգ, որ մի գեղեցիկ օր այդ մարդիկ քեզ կհանեն գործից, իսկ մեզ բացի քեզնից ոչ մեկը պետք չէ, դու ես մեր սրտի վարչապետը: Մենք ոչ թե պայքարում ենք Փաշինյանի դեմ, այլ Հայաստանում Ադրբեջանական լոբբիի հետ»: