Ձեր վստահելի աղբյուրը

Իրանագետ Վարդան Ոսկանյանը ֆեյսբուքյան գրառմամբ անդրադարձել է Թուրքիայի արտաքին գործերի նախարար Մևլյութ Չավուշօղլուի երեկվա հայտարարություններին.

«Էրդողանական վարչախմբի արտգործնախարարը, բացի Հայաստանի հասցեին ագրեսիվ զգուշացումներից, հասցրել է թվիթերյան գրառում անել, որն ավարտվում է՝ «Բարեկամն էլ, թշնամին էլ թող իմանա, որ Ջան Ադրբեջանն ընդհանրապես միայնակ չէ», սրանով փորձելով արձանագրել, որ իր վարչախումբը երբեք միայնակ չի թողնի Բաքվի բռնապետական վարչախմբին։

Դե, ինչ, եթե այդպես է, ապա պետք է միայնակ թողնել հենց էրդողանական վարչախմբին՝ սահմանելով Հարավային Կովկասի առողջ մարմնից Ադրբեջան կոչվող քաղցկեղային գոյացության հեռացման տեսլականը և դրա իրականացման բազմաբաղադրիչ ծրագիրն ու այդ ծրագրից բխող քայլերը։

Այդ հիբրիդային տեսլականը պետք է բաղկացած լինի երեք խոշոր մասից՝ արհեստածին Ադրբեջանի զսպում, դրա նկատմամբ գերակայության հաստատում և դրա վերջնական ու անվերադարձ վերաձևում բնական միավորների։

Սա պետք է դառնա մեր տեսլականը, և հայկական ու դաշնակից անխտիր բոլոր ռեսուրսները պետք է ուղղվեն այս գերխնդրի լուծմանը»։