Սա դատավարություն է Փաշինյանն ընդդեմ Չալաբյանի, Էմմա Սարգսյանի վրայից հանեք մեղադրանքը. Ավետիք Չալաբյան
«Մեղադրական եզրակացությունն անբովանդակ է, զուրկ ապացույցներից, հանցակազմ գոյություն չունի, ուստի նույնիսկ խոսք չկա մեղադրանքն ընդունելու կամ չընդունելու մասին»,- Երևան քաղաքի ընդհանուր իրավասության դատարանում, դատավոր Մնացական Մարտիրոսյանի նախագահությամբ դատական նիստի ժամանակ հայտարարեց «Համախմբում» շարժման անդամ, հասարակական-քաղաքական գործիչ Ավետիք Չալաբյանը՝ անդրադառնալով իրեն առաջադրված մեղադրանքին։
Նա ընդգծեց, որ մեղադրանքն աբսուրդային է, բնականաբար, չեն ընդունում։
«Այս մեղադրանքն իմ և Էմմա Սարգսյանի դեպքում պրակտիկորեն իդենտիկ է։ Ես և նա մեղադրվում ենք բացարձակ նույն բանում։ Առաջին օրվանից նախաքննությունը, դատաքննությունը շատ տարօրինակ ասիմետրիկ վերաբերմունք է դրսևորել իմ և Էմմա Սարգսյանի նկատմամբ։ Ընտրվել է խափանման մեկ այլ միջոց Էմմա Սարգսյանի դեպքում, իմ դեպքում՝ ամենադաժանը։ Նրան թույլ է տրվել այլևս չհաճախել դատական նիստերին, իսկ ես ամեն անգամ դժոխային ոստիկանական մեքենայով ստիպված եմ գնալ-գալ մեկ ժամ։
Ես ենթադրում եմ, իմ ներքին համոզմունք է, որ դատավճիռն արդեն պատրաստ է ու դրված է դատարանի դարակներից մեկում։ Այդ դատավճռով Էմմա Սարգսյանը ստանալու է հնարավոր ամենամեղմ, իսկ ես հնարավոր ամենածանր պատիժը։ Հոդվածը հնարավորություն է տալիս մարդուն մի կողմից տուգանել 10 հազար դրամ, մյուս կողմից՝ ազատազրկել 3 տարի։ Իմ համար նախատեսված է 3 տարի։ Դա պարզ է։ Էմմա Սարգսյանը պատահական մարդ է, սա դատավարություն չէ Հայաստանի Հանրապետությունն ընդդեմ Էմմա Սարգսյանի և Ավետիք Չալաբյանի, սա դատավարություն է Նիկոլ Փաշինյանն ընդդեմ Ավետիք Չալաբյանի, և Էմմա Սարգսյանն այստեղ պատահական մարդ է»,- ասաց Չալաբյանը։
Նա առաջարկեց մեղադրողին Էմմա Սարգսյանի վրայից հանել մեղադրանքը՝ հաշվի առնելով նաև այն հանգամանքը, որ նա միայնակ մայր է ու նրան ներգրավել որպես վկա։
«Դա շատ ավելի արդար կլինի։ Ձեր բոլորի, ձեր այս ռեպրսիվ բուրգի կռիվն իմ դեմ է, այդ կռիվը տարեք ինչքան կարող եք, մենք էլ տանելու ենք, ինչքան մենք կարողանանք, իսկ Էմմա Սարգսյանի վրայից հանեք մեղադրանքը։ Նա, ինչպես ես, ոչ մի բան չի արել, բայց դուք ինձ դատում եք ուրիշ բանի համար, իսկ նա այդ ուրիշ բանն էլ չի արել, ուստի իր վրայից հանեք մեղադրանքը»,- հայտարարեց Ավետիք Չալաբյանը։
Նա ասաց, որ ներկայացված ձայնագրությունը 40 րոպեի մոնտաժ է սեղմված 4 րոպեում. «Հատուկ պոկած բառեր են, որոնք կարող են ենթադրություն ստեղծել, բայց եթե վերծանվում է, ակնհայտ է, որ նյութական առաջարկ չեմ արել։ Այսինքն, այն հոդվածը, որ ինձ վերագրում եք՝ նյութական շահագրգռություն հավաքներին մասնակցելու համար, իմ խոսքում որևէ նման բան չկա։
«Դատալեքս»-ում մեղադրականն այսպիսին է.
«Ավետիք Չալաբյանին մեղադրանք է առաջադրվել այն բանի համար, որ նա 2022 թվականի մայիսի 4-ին Երևան քաղաքի Աբովյան 12 հասցեում գտնվող՝ «Դալան» ռեստորանում, այնուհետև մայիսի 08-ին՝ Հայաստանի ազգային ագրարային համալսարանի ուսանողական խորհրդի սենյակում նշված համալսարանի ուսանողական խորհրդի նախագահ Թոռնիկ Ալիյանին և նրա միջոցով Հայաստանի ազգային ագրարային համալսարանի ուսանողական խորհրդի անդամներին ու համալսարանի ուսանողներին ՀՀ-ում «Դիմադրություն» և «Համախմբում» շարժումների հավաքներին՝ անհնազանդություններ, բողոքի ակցիաներին, ցույցերին, փողոցներ փակելու գործողություններին մասնակցելու նպատակով դիտավորությամբ նյութապես շահագրգռել է՝ առաջարկելով 2.000.000 ՀՀ դրամ գումար»:
« Էմմա Գևորգի Սարգսյանին մեղադրանք է առաջադրվել այն բանի համար, որ նա 2022 թվականի մայիսի 4-ին Երևան քաղաքի Աբովյան 12 հասցեում գտնվող՝ «Դալան» ռեստորանում, այնուհետև մայիսի 08-ին՝ Հայաստանի ազգային ագրարային համալսարանի ուսանողական խորհրդի սենյակում նշված համալսարանի ուսանողական խորհրդի նախագահ Թոռնիկ Ալիյանին և նրա միջոցով Հայաստանի ազգային ագրարային համալսարանի ուսանողական խորհրդի անդամներին ու համալսարանի ուսանողներին ՀՀ-ում «Դիմադրություն» և «Համախմբում» շարժումների հավաքներին՝ անհնազանդություններ, բողոքի ակցիաներին, ցույցերին, փողոցներ փակելու գործողություններին մասնակցելու նպատակով դիտավորությամբ նյութապես շահագրգռել է՝ առաջարկելով 2.000.000 ՀՀ դրամ գումար»:
Էմմա Սարգսյանի նկատմամբ որպես խափանման միջոց է ընտրվել չհեռանալու մասին ստորագրությունը։
Հարակից հրապարակումներ`
- Ավետիք Չալաբյանին ՔԿՀ-ից չեն տեղափոխել դատարան
- Ոչ թե կալանավոր եմ, այլ այս երկրում գործող վարչակարգի պատանդի կարգավիճակում եմ. Չալաբյան
- Սա ցույց է տալիս, թե որքան է գործող վարչախումբը սարսափում իր սկզբունքային ընդդիմախոսներից. Ավետիք Չալաբյան
- Չալաբյանին կալանավորելու դատարանի որոշումը որևէ կերպ չի կարող իրավաչափ համարվել. Ռուբեն Մելիքյան
- Ցմահ տվեք ինձ, բերանս էլ կապար լցրեք, որ ես սատկեմ, մեռնեմ, պրծնեմ, դուք էլ գործից պրծնեք. Չալաբյանը՝ դատավորին
- Չալաբյանի օրինակով Նիկոլի ուղերձն է՝ իր գրպանի տուզիկներից բացի, որևէ այլ նոր խաղացողների չի հանդուրժելու. Վրթանեսյան
- Սա Նիկոլ Փաշինյանի և նրա վարչակազմի ուղիղ պատվերն է. Ավետիք Չալաբյան
- Դատավոր Մնացական Մարտիրոսյանի որոշմամբ՝ Ավետիք Չալաբյանը կրկին կալանավորվեց
- Ավետիք Չալաբյանի վերաբերյալ քրեական վարույթը չի կարճվի
- Դատական նիստերի ընթացքում հնարավոր է վիճակս վատանա. Ավետիք Չալաբյան
- Այս պայքարը մեր երկրում օրենքի իշխանության և արդարության հաստատման համար է. Չալաբյանի պաշտպանական խումբ
- Եթե ես այստեղ Արմեն Գրիգորյանի պես ուշաթափվեմ կամ մահանամ, դրանով ո՞վ է շահելու. Չալաբյան
- Ձեզանից անկախություն և անաչառություն չենք ակնկալում. Չալաբյանի պաշտպանը՝ դատավոր Մնացականյանին
- Ավետիք Չալաբյանի գործով մեղադրական եզրակացությունում կան թերություններ, բացթողումներ, խեղաթյուրումներ. Պաշտպան
- Չալաբյան. Հետևողական պայքարենք մեր ազատության, մեր իրավունքների և մեր իդեալների համար
- Գործող իշխանությունները ձգտելու են կրկին կալանավորել Ավետիք Չալաբյանին. Պաշտպանական թիմ
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
