Ձեր վստահելի աղբյուրը

Շվեդիայի կառավարությունը որոշել է լրացուցիչ միջոցներ հատկացնել Ուկրաինային աջակցելու համար՝ ուղարկելով ռազմական տեխնիկա և ֆինանսներ։ Ինչպես գրում է ՏԱՍՍ-ը, այդ մասին չորեքշաբթի հայտնել է Dagens Nyheter թերթը։

Կառավարությունն առաջարկում է խորհրդարանին հավանություն տալ «Robot 17» (Robot-17) շարժական կարճ հեռահարության հականավային հրթիռային համակարգերի, ավտոմատների և 5000 հակատանկային նռնականետերի փոխանցմանը: Բացի այդ, 578 միլիոն կրոն (ավելի քան 57,8 միլիոն դոլար) հատկացնել Ուկրաինայի Կենտրոնական բանկին, 100 միլիոն կրոն (ավելի քան 10 միլիոն դոլար) քաղաքացիական պաշտպանության համար և 60 միլիոն կրոն (ավելի քան 6 միլիոն դոլար) Ուկրաինայի Զինված Ուժերին աջակցելու ՆԱՏՕ-ի հիմնադրամին:

Ընդհանուր առմամբ, խոսքը 1 միլիարդ կրոնի (ավելի քան 100 միլիոն դոլար) չափով բյուջետային միջոցների մասին է։ Պաշտպանության նախարար Պիտեր Հուլտկվիստի խոսքով՝ հարցը ուկրաինացի ժողովրդի և Ուկրաինայի զինված ուժերի հետ համերաշխության մասին է։ «Ուկրաինան երկար ժամանակ է խնդրում է քաղաքական, ֆինանսական և ռազմական աջակցություն»,-մեջբերել է թերթը նրա խոսքերը։

Ֆինանսների նախարար Միքայել Դամբերգի խոսքով՝ օգնությունը պետք է ցուցաբերվի հնարավորինս արագ։

«Քանի որ Ուկրաինայում իրավիճակը դեռ շատ լուրջ է, հրամայական է, որ հնարավորինս արագ ցուցաբերվի ինչպես նյութական, այնպես էլ այլ աջակցությունները»,-ասել է նա։