Ձեր վստահելի աղբյուրը

«Ես վերջերս Ստեփանավանից Ագարակ գնացող ճանապարհով անցնում էի և նկատեցի, որ այնտեղ կա կամուրջ, բավականին հին և երթևեկելիս այն մի պահ երևում է, հաջորդ պահին անցնում ծառերի հետևը և ես մտածեցի, որ սա այն դեպքն է, որ պետք է չխնայել և ծառերը կտրել, մի փոքր այլ տեղ կրկնակի, եռակի չափով ծառեր տնկել, այդ կամուրջը մի քիչ կարգի բերել, լուսավորություն իրականացնել, քանի որ այն ճարտարապետական հուշարձան է և այդ ճանապարհի ամբողջ բովանդակությունը և էսթետիկան փոխում է»,-կառավարության նիստում հայտարարեց Նիկոլ Փաշինյանը

Նա ասաց, որ լուսավորության թեման էլ ցավոտ հարց է և այդ ոլորտներում աշխատելիս պետք է հաշվի առնել, որ լուսավորություն չի նշանակում լույս կախել, քանի որ հուշարձանի լուսավորությունն լրիվ այլ խնդիր է:

Նիկոլ Փաշինյանի խոսքով՝ հուշարձանների լուսավորման համար հատուկ մասնագետներ պետք է ներգրավեն և դրանք առանձնակի ներկայանալի դարձվեն:

ՏԿԵ նախարար Գնել Սանոսյանն էլ պատմեց, որ Տավուշի մարզպետի հետ նախորդ օրը եղել է Իծաքար-Գանձաքար ճանապարհահատվածում, որտեղ  հին կամուրջ կա, որը հուշարձան է։

Նրա խոսքով՝ որոշվել է երթևեկելի նոր կամուրջ կառուցել, և այդ կամուրջն էլ պահպանել որպես հուշարձան։