Ձեր վստահելի աղբյուրը

 «Դեռ պետք է խոսե՞նք։ Խոսելու ինչ-որ բան կա՞։ Կա՞ մարդ, որ պետք է դեռ հասկանա, որ այս շենքում նստած է մի նապաստակ կա, որը թուրքից է վախենում»,- Հանրապետության հրապարակում հրավիրված Նիկոլ Փաշինյանի հրաժարականի պահանջով հանրահավաքին ասաց ռազմական գործիչ, ազատամարտիկ Գևորգ Գևորգյանը:

«Եթե կա Նիկոլ, չկա Հայաստան, չկա Արցախ, չկա հայ ժողովուրդ։ Եթե կա Նիկոլ, թուրքը գալու է ազատ զբոսնի ու տեր կանգնի մեր երկրին։ Եթե մենք տեր չենք կանգնում  մեր երկրին, մեզ նորից մասնատելու են, ինչպես՝ մեզ»,- ասաց նա։

Նրա խոսքով՝ պետք է վերացնել առաջին թշնամուն, որը նստած է Կառավարության շենքում։

«Պատերազմն այստեղ է և չպետք է ամիսներով պայքարենք, որ Նիկոլին հեռացնենք։ Դա պետք է լինի հանրության որոշումը, որ չենք ուզում գլուխներս կախ ապրենք։Պատերազմն այս շենքն ազատագրելն ու սրանց պատասխանատվության ենթարկելն է։ Սրանք պետական դավաճաններ են,իսկ  դրա համար պետք է պատասխանատվության ենթարկվեն, այդ ժամանակ մեզ կհարգեն  բոլորը, այդ թվում՝  մեր հարևանները ու ամբողջ աշխարհը»,- նշեց նա։

Ազատամարտիկն ասում է, որ ամեն կառավարության նիստը նայելիս, տպավորություն է, թե ինֆորմացիա է տալիս Թուրքիային և Ադրբեջանին։