Ձեր վստահելի աղբյուրը

Տիմիոարայի (Ռումինիա) Արևմտյան համալսարանի գիտնականները ապացուցել են, որ երկար կամ ծանր աշխատանքի ժամանակ կարճ ընդմիջումները արդյունավետորեն նվազեցնում են հոգնածությունը, իսկ որոշ դեպքերում նույնիսկ բարձրացնում աշխատանքի արտադրողականությունը: PLOS ONE-ում հրապարակված արդյունքները ներկայացրել է «Գազետա ռու»-ն:

Հոգեբաններն անցկացրել են վերջին 30 տարիների ընթացքում հրապարակված 22 հետազոտությունների մետա-վերլուծություն, որոնք ուսումնասիրել են միկրո ընդմիջումների (մոտավորապես ժամը մեկ անգամ 10 րոպե կամ ավելի քիչ,) հնարավոր օգուտները տարբեր առաջադրանքներ կատարելիս: Առաջադրանքները տարբեր էին և ներառում էին իրական աշխատանքի սիմուլյացիաներ և ոչ աշխատանքային ճանաչողական թեստեր: Ընդմիջումների տեսակները նույնպես տարբեր էին և ներառում էին առույգացում, հանգստացնող գործողություններ և զվարճանքներ, ինչպիսիք են տեսանյութերի դիտումը:

Վիճակագրական վերլուծությունը ցույց է տվել, որ միկրոընդմիջումները կապվուվ են մասնակիցների մոտ ավելի բարձր էներգիայի մակարդակի և ավելի քիչ հոգնածության հետ: Չկար հստակ կապ միկրոընդմիջումների և առաջադրանքների ավելի լավ կատարման միջև: Հետազոտողները պարզել են, որ որքան երկար է ընդմիջումը, այնքան ավելի լավ է այն արտացոլվում արտադրողականության վրա, հատկապես ստեղծագործական կամ սովորական «թղթային» առաջադրանքներ կատարելիս, բայց ավելի քիչ՝ բարդ մտավոր աշխատանք կատարելիս: Միգուցե բարդ ճանաչողական առաջադրանքները պահանջում են ավելի երկար ընդմիջումներ, քան միկրո ընդմիջումներ: